ضیاء الدین اسپتال میں شرجیل میمن کےکمرے سےشراب کی بوتلیں برآمد ہونےکا واقعہ -
The news is by your side.

Advertisement

ضیاء الدین اسپتال میں شرجیل میمن کےکمرے سےشراب کی بوتلیں برآمد ہونےکا واقعہ

آئی جی سندھ نے تحقیقات کے لیے اعلیٰ سطح کمیٹی قائم کردی

کراچی : آئی جی سندھ امجد جاوید سلیمی نے ضیاء الدین اسپتال میں شرجیل میمن کے کمرے سے شراب کی بوتلیں برآمد ہونے پرواقعے کی تحقیقات کے لیے اعلیٰ سطح کمیٹی بنا دی۔

تفصیلات کے مطابق آئی سندھ پولیس نے اسپتال میں سابق صوبائی وزیراطلاعات ونشریات شرجیل میمن کے کیمرے سے شراب کی بوتلیں برآمد ہونے پر تحقیقات کے لیے ڈی آئی جی ساؤتھ جاوید اختر کی سربراہی میں تحقیقاتی کمیٹی قائم کردی۔

ذرائع کا کہنا ہے کہ کمیٹی میں ایس پی انویسٹی گیشن ساؤتھ، ایس پی ایسٹ شامل ہیں، کمیٹی ایک ہفتے میں تحقیقات مکمل کرکے رپورٹ پیش کرے گی۔

چیف جسٹس کا ضیاء الدین اسپتال کا دورہ‘ شرجیل میمن کےکمرے سےشراب کی بوتلیں برآمد

یاد رہے کہ گزشتہ روزچیف جسٹس پاکستان میاں ثاقب نثار کو کراچی کے اسپتالوں میں سیاسی قیدیوں کے کمروں پر چھاپوں کے دوران ضیاءالدین اسپتال میں شرجیل میمن کے کمرے سے شراب کی بوتلیں ملی تھیں۔

چیف جسٹس ثاقب نثار نے پولیس کو انکوائری کی حکم دیتے ہوئے اٹارنی جنرل کو یہ معاملہ دیکھنے کی ہدایت کی تھی۔

شرجیل میمن اور دیگر کےخلاف منشیات ایکٹ کے تحت مقدمہ درج

بعدازاں اسپتال کے کمرے سے شراب کی بوتلیں ملنے پرشرجیل میمن، ڈیوٹی پرمامور جیل اہلکاروں اور اسپتال کے تین ملازمین کے خلاف مقدمہ بوٹ بیسن تھانے میں درج کیا گیا تھا۔

Comments

comments

یہ بھی پڑھیں