بلوچستان میں کالعدم لشکر جھنگوی کا بڑا دہشت گرد مارا گیا، آئی ایس پی آر
The news is by your side.

Advertisement

بلوچستان میں کالعدم لشکر جھنگوی کا بڑا دہشت گرد مارا گیا، آئی ایس پی آر

راولپنڈی : آئی ایس پی آر کا کہنا ہے کہ کلی الماس میں ملنے والی کامیابی انٹیلی جنس کے باعث ممکن ہوئی، بلوچستان میں کالعدم لشکرجھنگوی کا بڑا دہشت گرد مارا گیا جبکہ آپریشن میں کرنل رینک کے سینئرافسر نے جام شہادت نوش کیا۔

پاک فوج کے شعبہ تعلقات عامہ (آئی ایس پی آر) کے مطابق گذشتہ روز بلوچستان میں کالعدم لشکرجھنگوی کا بڑا دہشت گرد مارا گیا، دہشت گرد ہزارہ برادری کے قتل اور بلوچستان میں دہشت گردی میں ملوث تھا۔

آئی ایس پی آر کا کہنا ہے کہ کلی الماس میں کامیابی انٹیلی جنس کے باعث ممکن ہوئی، لشکری جھنگوی بلوچستان کالیڈرسلمان بادینی خودکش حملہ آوروں کیساتھ تھا، آپریشن میں ہزارہ برادری اور پولیس اہلکاروں کی ٹارگٹ کلنگ والا مارا گیا تھا۔

ترجمان کے مطابق کارروائی میں ہلاک دونوں دہشت گرد افغان تھے، مجموعی طور پر 4دہشت گرد مارے گئے، آپریشن میں کرنل رینک کے سینئر افسر نے جام شہادت نوش کیا۔

یاد رہے کہ آپریشن ردالفساد کے تحت سیکیورٹی فورسز نے بلوچستان کے علاقے کلی الماس میں آپریشن کیا، لشکر جھنگوی بلوچستان کے سربراہ سلمان بدینی سمیت چاردہشت گرد مارے گئے، جن میں دو خودکش بمبار بھی شامل تھے۔

دہشت گردوں سے فائرنگ کے تبادلے میں ملٹری انٹیلجنس کے کرنل سہیل عابد شہید جبکہ چار جوان زخمی ہوئے۔

وزیر اعظم شاہد خاقان عباسی نے بلوچستان میں دہشت گردوں سے لڑائی کے دوران شہید ہونے والے کرنل سہیل کی شہادت پر دکھ اور افسوس کا اظہار کیا اور شہید کی بلندی درجات اور زخمیوں کی جلد صحتیابی کی دعا کی۔

Comments

comments

یہ بھی پڑھیں