بیجنگ : وسطی چین کے صوبہ ہنان میں متعدد گاڑیوں کے آپس میں ٹکرانے کے نتیجے میں کم از کم 16 افراد ہلاک اور 66 افراد زخمی ہوگئے۔
چین کی سرکاری میڈیا ویب سائٹ سی جی ٹی این کے مطابق حادثہ ہفتہ کی شام اس وقت پیش آیا جب صوبہ ہنان کے چانگشا شہر میں جوچانگ گوائن گجھو ہائی وے پر درجنوں تیز رفتار گاڑیاں آپس میں ٹکرا گئیں۔
غیر ملکی خبر رساں ادارے کی رپورٹ کے مطابق مقامی ٹریفک پولیس ڈیپارٹمنٹ نے کہا ہے کہ محض دس منٹ کے اندر ان حادثات میں 16 افراد ہلاک اور 66 زخمی ہوگئے۔ حادثے کے بعد متعدد گاڑیوں میں آگ لگ گئی۔
پولیس کے مطابق تمام زخمیوں کو علاج کیلئے اسپتال میں داخل کرادیا گیا ہے، جن میں سے 8 شدید زخمی ہیں تاہم ان کی حالت مستحکم ہے۔
رپورٹ میں کہا گیا ہے کہ ایمرجنسی مینجمنٹ کی وزارت نے حادثات کی وجوہات جاننے کیلئے ایک ٹاسک فورس کو جائے وقوعہ پر بھیج دیا ہے۔
Comments
- Advertisement -
