site
stats
عالمی خبریں

امریکی فوج میں داڑھی، حجاب اور پگڑی کی اجازت

واشنگٹن: امریکی فوج نے اپنے افسران و اہلکاروں کو داڑھی رکھنے، پگڑی پہننے اور خواتین ملازمین کو حجاب کرنے کی اجازت دے دی، فیصلے کا مقصد اقلیتوں کی فوج میں بھرتی میں اضافہ کرنا ہے۔

اسی سے متعلق: نیویارک میں داڑھی چھوٹی نہ کرنے پر مسلمان پولیس افسر معطل

مغربی میڈیا کے مطابق امریکی فوج میں شامل اہلکاروں کو مذہبی شناخت برقرار رکھنے کی اجازت دے دی گئی ہے،امریکی فوج کے نئے قوانین کے تحت ملازمین کو داڑھی، پگڑی اور حجاب کی اجازت ہوگی تاکہ فوج میں اقلیتوں کی بھرپور شمولیت کو ممکن بنا یا جا سکے۔

یہ پڑھیں: بھارتی فضائیہ کے مسلمان ملازمین ڈاڑھی نہیں‌ رکھ سکتے، سپریم کورٹ

امریکی فوج کے سیکریٹری کی جانب سے نئے قوانین متعار ف کرائے گئے ہیں جن کی اجازت ملنے کے بعد یہ قانون قابل عمل ہوجائے گا تاہم ان مذہبی امور کی اجازت بریگیڈ سطح کے کمانڈر سے لینی ہوگی جس کے بعد ہی داڑھی، پگڑی یا حجاب کی خواہش پوری ہوسکے گی، اجازت نہ ملنے کی صورت میں متاثرہ اہلکار آرمی سیکریٹری سے شکایت کرنے کا حق دار ہوگا۔

اسی سے متعلق: امریکا میں سکھ نے داڑھی اور پگڑی سے متعلق مقدمہ جیت لیا

امریکی حکام کا کہنا ہے کہ یہ ایک اچھا فیصلہ ہے جس سے اقلیتوں کو امریکا کی خدمت کر نے کا زیادہ موقع ملے گا کیوں کہ ہم تمام مذاہب اور آزادی خیال کی عزت کرتے ہیں۔

یہ بھی پڑھیں: بھارت میں طالب علم داڑھی رکھنے پر تعلیم سے محروم

امریکی میڈیا کے مطابق اس اقدام پر امریکا میں رہنے والے مسلمانوں اور سکھوں نے خوشی کا اظہار کیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top