The news is by your side.

Advertisement

امریکا، حجاب پہننے والی خواتین پر قاتلانہ حملہ

لاس اینجلس: امریکا کے شہر پٹسبرگ میں باحجاب خواتین پر چاقو بردار شخص نے حملہ کیا جس کے نتیجے میں ایک خاتون جاں بحق ہوگئیں۔

امریکی میڈیا رپورٹس کے مطابق پٹسبرگ کے علاقے میں مشتعل شخص نے خریداری کر کے واپس جانے والی باحجات خواتین پر چاقو سے حملہ کیا جس کے نتیجے میں دونوں خواتین شدید زخمی ہوئیں۔

دونوں زخمی خواتین کو اسپتال منتقل کیا گیا البتہ اس دوران ایک خاتون زخموں کی تاب نہ لاتے ہوئے دم توڑ گئیں جبکہ دوسری کو ڈاکٹرز بچانے کی ہر ممکن کوشش کررہے ہیں۔

حکام کے مطابق گارڈ گرو سے تعلق رکھنے والے 33 سالہ شخص نے خواتین پر حملہ کیا جسے پولیس نے گرفتار کرلیا، ملزم نے کئی دکانوں کو بھی لوٹنے کی کوشش کی۔ پولیس حکام کے مطابق ملزم نے اعتراف کیا کہ اُس نے گزشتہ روز بھی دو لوگوں کو حملہ کر کے قتل کیا جن میں ایک سیکیورٹی گارڈ بھی تھا۔ سانتا انامی شخص نے ملزم کی گرفتاری میں پولیس کی معاونت کی۔

Comments

comments

یہ بھی پڑھیں