The news is by your side.

Advertisement

کورونا کیسز میں اضافہ: راولپنڈی میں 5 ہاٹ اسپاٹ علاقے آج سے 10 روز کیلئے سیل

راولپنڈی : کورونا کیسز میں اضافے کے پیش نظر 5 ہاٹ اسپاٹ علاقوں کو آج سے 10روز کیلئے سیل کرنے کا اعلان کردیا ہے۔

تفصیلات کے مطابق راولپنڈی میں کورونا کےمر یضوں کی تعدادمیں غیرمعمولی اضافے کے بعد 5 ہاٹ اسپاٹ علاقوں کو آج سے 10روز کیلئے سیل کرنے کا اعلان کردیا ہے۔

انتظامیہ کا کہنا ہے کہ ہاٹ اسپاٹس میں سیکٹرسی فیز 1 ڈی ایچ اے، گلشن آباد ، اسٹریٹ10حالی روڈ،بلاک بی4مسلم ٹاؤن اوردیگرعلاقے شامل ہیں ، کوروناہاٹ اسپاٹ علاقوں میں پبلک ٹرانسپورٹ، مارکیٹس،شا پنگ مالز،ریسٹورنٹس اور دفاتربندرہیں گے۔

انتظامیہ کے مطابق کریانہ اسٹور، آٹاچکی کی دکانیں ، ڈیری شاپس،بیکری وگوشت کی دکا نیں ، پھل و فروٹ کی دکا نیں اور پیٹرول پمپس صبح9سےشام7بجےتک کھلے رکھنے کی اجازت ہوگی جبکہ کلینکس،لیبا ر ٹریاں اور میڈیکل اسٹور24 گھنٹے کھلے رہیں گے۔

یاد رہے وفاقی دارالحکومت اسلام آباد میں کوروناکی صورتحال تشویشناک حدتک خراب ہوچکی ہے ، وفاقی ضلعی انتظامیہ نےکورونا کےحوالےسےخطرےکی گھنٹی بجادی ہے۔

ڈپٹی کمشنراسلام آباد کا کہنا تھا کہ اسلام آبادمیں کوروناصورتحال تیزی سےخراب ہورہی ہے، گزشتہ 2 ہفتےمیں کورونا کیسز آسمان کو چھورہے ہیں، اسلام آبادمیں تاحال3692کوروناکیسز،265اموات ہوچکی ہیں جبکہ اسپتالوں میں کورونا کے 230 مریض زیرعلاج اور 37مریض وینٹی لیٹرپر ہیں۔

Comments

یہ بھی پڑھیں