کراچی: پاکستانی ڈرامہ انڈسٹری کی معروف اداکارہ حنا الطاف بھتیجی کی پیدائش پر خوشی سے نہال ہیں، انہوں نے نومولود کے ساتھ اپنی تصویر بھی شیئر کردی۔
سماجی رابطے کی فوٹو اور ویڈیو شیئرنگ ویب سائٹ انسٹاگرام پر حنا الطاف نے اپنی نومولود بھتیجی کی تصویر شیئر کی جس کو وہ گود میں لے کر کھڑی ہوئیں تھیں۔
انہوں نے لکھا کہ ’میرے بھائی کے گھر رحمت آئی ہے، ہمارے خاندان میں شامل ہونے والی ننھی شہزادی کو آپ سب خوش آمدید کہیں‘۔
حنا الطاف کے تصویر شیئر کرنے کے بعد مداحوں نے اُن کو بھیتجی کی پیدائش پر مبارک باد پیش کرتے ہوئے ’پھپھو‘ کہہ کر مخاطب کیا۔
عرفاہیم نامی صارف نے لکھا کہ ’پھپھو بہت بہت مبارک ہو‘۔
View this post on Instagram
ایک گھنٹے میں اس تصویر کو 90 ہزار سے زائد صارفین نے پسند کیا جبکہ متعدد صارفین نے کمنٹس کے ذریعے اداکارہ کو مبارک باد بھی پیش کی۔
خیال رہے کہ حنا الطاف نے کچھ عرصے قبل لاک ڈاؤن کے دوران اداکار آغا علی سے شادی کرلی تھی، شادی نہایت سادگی سے انجام پائی جس میں دونوں کے قریبی افراد نے شرکت کی۔