شوبز انڈسٹری کی سینئر اداکارہ حنا خواجہ بیات کی فلسطین کی حمایت میں کی جانے والی پوسٹ وائرل ہوگئی۔
فوٹو اور ویڈیو شیئرنگ ایپ انسٹاگرام پر اداکارہ حنا خواجہ بیات نے فلسطین پر ڈھائے جانے والے ظلم و ستم سے متعلق ایک پوسٹ شیئر کی۔
حنا خواجہ کی شیئر کی گئی پوسٹ میں درج تھا کہ 75 سال سے پڑھایا اور بتایا جاتا رہا کہ فلسطین پر یہودیوں کا قبضہ ہے، باقی اسلامی ممالک آزاد ہیں لیکن اب پتا چلا کہ صرف فلسطینی آزاد ہیں اور باقی اسلامی ممالک پر یہودیوں کا قبضہ ہے۔
اداکارہ نے اپنی اس پوسٹ کے کیپشن میں قرآنی آیت بھی شیئر کی، ساتھ ہی دعا مانگتے ہوئے لکھا کہ اے اللہ ہم سب کے گناہوں کو معاف کردے۔
واضح رہے فلسطین میں اسرائیل کی جانب سے حملے جاری ہیں جس کے نتیجے میں اب تک شہید فلسطینیوں کی تعداد 2800 سے تجاوز کرگئی۔
یاد رہے کہ اس سے قبل ماہرہ خان سمیت دیگر شوبز شخصیات بھی فلسطین کی حمایت میں پوسٹ شیئر کرچکی ہیں جبکہ بالی ووڈ اداکارہ سونم کپور نے بھی فلسیطن کے حق میں پوسٹ شیئر کی تھی۔
