ہندو انتہا پسندوں نے پاکستان سے بھارت کی عبرتناک شکست کا سارا ملبہ مسلمان بولر محمد شامی پر ڈال دیا، مسلمان کرکٹر کیخلاف نفرت انگیز مہم شروع ہوگئی۔
دبئی کرکٹ اسٹیڈیم میں کھیلے گئے آئی سی سی ٹی 20 ورلڈ کپ میں پاکستان کے ہاتھوں بھارت کی عبرتناک شکست پر انتہا پسند بھارتی شہری آپے سے باہر ہوگئے، شکست کا ذمہ دار مسلمان کرکٹر محمد شامی کو ٹہرا کر خلاف سوشل میڈیا پر نفرت انگیز مہم شروع کردی۔
پاکستان کی جیت کے ساتھ ہی بھارتی کرکٹ ٹیم کے مسلمان بولر محمد شامی کو ہندو انتہاپسندوں کی مغلظات کا نشانہ بنانا شروع کردیا تھا اور انہیں پاکستانی جاسوس قرار دیا گیا۔
محمد شامی کے خلاف سوشل میڈیا پر نفرت انگیز مہم چلانے پر بھارتی صحافی برکھا دت، سابق بولر عرفان پٹھان، لیجنڈ انڈین کرکٹر سچن ٹنڈولکر سمیت متعدد شخصیات نے دفاع کیلئے میدان میں آگئے۔
مائیکرو بلاگنگ ویب سائٹ ٹویٹر پر جاری بیان میں سچن ٹنڈولکر نے کہا کہ ‘جب ہم ٹیم انڈیا کی سپورٹ کرتے ہیں تو اس کی نمائندگی کرنے والا ہر کھلاڑی بھی اسی بات کا متضاضی ہے’۔
سچن ٹنڈولکر کا کہنا تھا کہ ‘محمد شامی بہت باصلاحیت اور ورلڈ کلاس بائولر ہیں’۔
When we support #TeamIndia, we support every person who represents Team India. @MdShami11 is a committed, world-class bowler. He had an off day like any other sportsperson can have.
I stand behind Shami & Team India.
— Sachin Tendulkar (@sachin_rt) October 25, 2021
عرفان پٹھان نے اپنے ٹوئٹ میں محمد شامی کا دفاع کرتے ہوئے کہا کہ ‘ہم بھی پاک بھارت جنگ کا حصّہ رہے ہیں، جہاں ہم شکست سے بھی دوچار ہوئے لیکن ہمیں کبھی نہیں کہا گیا کہ پاکستان جاؤ! میں کچھ برس پہلے والے بھارت کی بات کررہا ہو’۔
عرفان پٹھان نے کہا کہ ‘اب محمد شامی کے خلاف شروع کی گئی اس بدسلوکی کو رکنا چاہیے’۔
Even I was part of #IndvsPak battles on the field where we have lost but never been told to go to Pakistan! I’m talking about 🇮🇳 of few years back. THIS CRAP NEEDS TO STOP. #Shami
— Irfan Pathan (@IrfanPathan) October 25, 2021
سابق بھارتی کرکٹر سہواگ نے مسلمان کرکٹر کا دفاع کرتے ہوئے کہا کہ ‘محمد شامی پر آن لائن حملوں نے دنگ کردیا ہے’۔
انہوں نے محمد شامی کو چیمپئن قرار دیتے ہوئے کہا کہ ‘جس نے بھی بھارتی کیپ پہنا اس کے دل میں آن لائن تنقید کرنے والوں سے زیادہ انڈیا بستا ہے’۔
سہواگ نے محمد شامی کی حوصلہ افزائی کرتے ہوئے کہا کہ ‘ہم تمہارے ساتھ ہیں، اگلے میچ میں جلوا دکھا دو شامی’۔
The online attack on Mohammad Shami is shocking and we stand by him. He is a champion and Anyone who wears the India cap has India in their hearts far more than any online mob. With you Shami. Agle match mein dikado jalwa.
— Virender Sehwag (@virendersehwag) October 25, 2021
