The news is by your side.

Advertisement

کراچی، دو ماہ قبل اغوا ہونے والی ہندو لڑکی تاحال لاپتا، اہلخانہ سراپا احتجاج

کراچی: شہر قائد سے دو ماہ قبل اغوا ہونے والی ہندو لڑکی ودیا مہیشوری کا تاحال کوئی سراغ نہ مل سکا، اہلخانہ نے احتجاج کرتے ہوئے بازیابی کا مطالبہ کیا۔

تفصیلات کے مطابق کراچی کے علاقے ماڑی پور سے دو ماہ قبل اغوا ہونے والی ہندو لڑکی ودیا مہیشوری کا تاحال کوئی سراغ نہ مل سکا، اہلخانہ نے کراچی پریس کلب کے باہر احتجاج کیا جس میں ودیا کی بازیابی کا مطالبہ کیا گیا۔

ودیا مہیشوری کے اہلخانہ کا کہنا ہے کہ دو ماہ قبل ماڑی پور کے علاقے گریکس ولیج سے بیٹی کو اغوا کیا گیا تھا۔
اہلخانہ کے مطابق اغوا کا مقدمہ ماڑی پور تھانے میں درج کرایا گیا ہے، پولیس بیٹی کی بازیابی کے لیے عملی اقدامات نہیں کررہی ہے۔

مزید پڑھیں: خیرپورسے مبینہ طور پراغوا ہونے والی ہندو لڑکی بازیاب

کراچی پریس کلب کے باہر ہونے والے احتجاجی مظاہرے میں ودیا کے اہل خانہ سمیت اہل علاقہ کی بڑی تعداد موجود تھی اور مظاہرین ودیا کی بازیابی کا مطالبہ کررہے تھے۔

یاد رہے کہ گزشتہ سال مارچ میں سندھ کے شہر خیرپور سے ہندو لڑکی کو اغواء کرلیا گیا تھا، والدین کا کہنا تھا کہ لڑکی کو اغوا کیا گیا ہے جبکہ لڑکی کا موقف تھا کہ وہ اپنی مرضی سے گئی تھی۔

Comments

یہ بھی پڑھیں