The news is by your side.

Advertisement

رحیم یار خان میں مشتعل افراد کے ہاتھوں توڑ پھوڑ سے متاثرہ مندر بحال

صادق آباد : پنجاب کے ضلع رحیم یار خان کے علاقے بھونگ میں مشتعل افراد کے ہاتھوں توڑپھوڑ سے متاثرہ مندر بحال کردیا گیا ہے۔

تفصیلات کے مطابق اقلیتوں کے عالمی دن کے موقع پر پنجاب کے ضلع رحیم یار خان کے علاقے بھونگ میں مشتعل افراد کے ہاتھوں توڑپھوڑ سے متاثرہ مندر بحال کردیا گیا، پاکستان ہندو کونسل کے چیئرمین رمیش کمار نے مندر کا افتتاح کیا۔

بھونگ مندرمیں تقریب سے خطاب کرتے ہوئے پاکستان ہندو کونسل کے چیئرمین رمیش کمارنے کہا کہ انتظامیہ نےایک ہفتےمیں حیران کن طورپرمندر کی بحالی کاکام کیاگیا، وزیراعظم،چیف جسٹس کےنوٹس سے ثابت ہواریاست اقلیتوں کیساتھ ہے۔

رمیش کمار کا کہنا تھا کہ پاکستان کے آئین میں اقلیتوں کے حوالےسے برابری کے حقوق ہیں، منفی عناصر کو مثبت رویے سے شکست دیں گے۔

یاد رہے سپریم کورٹ نےمندرحملےکےملزمان فوری گرفتارکرنےاور شرپسندی پراکسانےوالوں کیخلاف کارروائی کا حکم دیا جبکہ مندربحالی کے اخراجات بھی ملزمان سے ہرصورت وصول کرنے کا حکم دیا تھا۔

عدالت کا کہنا تھا کہ دندناتےپھرتےملزمان ہندوکمیونٹی کیلئےمسائل پیداکرسکتے، یقینی بنایاجائےآئندہ ایسے واقعات نہ ہوں۔

بعد ازاں وزیراعلی پنجاب نے رحیم یار خان کےعلاقے بھونگ میں مندر میں توڑ پھوڑ کے واقعے پر کمشنر اور آر پی او بہالپور سے رپورٹ طلب کرلی تھی جب کہ وزیراعلیٰ کی ہدایت پر مندر کی بحالی کا کام شروع کر دیا گیا ہے اور رینجرز کی نفری بھی تعینات کر دی گئی تھی۔

Comments

یہ بھی پڑھیں