The news is by your side.

Advertisement

حرا مانی کے بچوں کا والدہ سے متعلق دلچسپ انکشاف

کراچی: اداکارہ حرا مانی کے بچوں نے والدہ سے متعلق دلچسپ انکشاف کردیا۔

اداکارہ حرا اور مانی نے اپنے بچوں کے ہمراہ اے آر وائی ڈیجیٹل کے پروگرام ’گڈ مارننگ پاکستان‘ میں شرکت کی جس میں اداکارہ کے بچوں نے بھی والدہ کی گھر میں کی جانے والی اداکاری سے متعلق بتایا۔

حرا مانی کے بچوں کا کہنا تھا کہ ’ماما گھر میں ڈراؤنی فلم کے زومبی کی طرح پردے کے پیچھے چھپ جاتی ہیں اور ہمیں ڈرانے کی کوشش کرتی ہیں۔‘

اداکارہ کے بیٹے کا کہنا تھا کہ ’ماما ساڑھی پہن کر گول گول گھومنا شروع ہوجاتی ہیں۔‘

مانی نے اپنے چھوٹے بیٹے سے متعلق بتایا کہ ’یہ ارطغرل کے مداح ہیں ان کے پاس ڈرامے کی طرح تلواریں موجود ہیں، اداکارہ کے سوال پر چھوٹے بیٹے ابراہیم نے بتایا کہ ارطغرل میں ان کا پسندیدہ کردار ’بامسی‘ ہے۔

حرامانی نے بتایا کہ ’کالج کے دنوں میں مانی سے متعلق ان کے سب سے چھوٹے بھائی شاہ جمال کو پتا چلا تھا، ہم چاٹ کھا رہے تھے میں نے بھائی سے کہا کہ اس بارے میں کسی کو نہیں بتانا۔‘

اداکارہ نے بتایا کہ ان کا بڑا بیٹا مزمل ٹک ٹاک کے بہت خلاف ہے، جب میں نے ٹک ٹاک پر اکاؤنٹ بنایا تو اس نے رونا شروع کردیا اور مجھ سے کہا کہ اب آپ ٹک ٹاک بنائیں گی پھر میں کچھ دنوں کے لیے اکاؤنٹ ڈیلیٹ کردیا تھا۔

Comments

یہ بھی پڑھیں