اوسلو : پاکستانی ڈرامہ انڈسٹری کے معروف اداکار جوڑے حرا اور مانی کی ناروے میں موسم سرما سے لطف اندوز ہونے کی تصاویر پر وائرل ہوگئیں۔
تفصیلات کے مطابق ناروے کے دارالحکومت اوسلو میں تیسرے انٹرنیشنل پاکستان پریسٹیج ایوارڈز کی رنگا رنگ تقریب کا انعقاد 7 دسمبر 2019 کو ہوگا جس میں پاکستانی فلم اور ٹی وی کے معروف اداکاروں اور اہم شخصیات نے شرکت کریں گی۔
معروف اداکارہ حرا ان دنوں ناروے میں آئی پی پی اے 2019 کی رنگا رنگ تقریب کے منعقد ہونے کا انتظار کررہی ہیں، انہوں نے سماجی رابطے کی ویب سائٹ انسٹاگرام پر ناروے میں سیر سپاٹے کی تصاویر شیئر کیں جو سوشل میڈیا پر وائرل ہوگئیں۔
اداکارہ حرا مانی تیسرے انٹرنیشنل پاکستان پریسٹیج ایوارڈز کی رنگا رنگ تقریب کا حصّہ بننے کے انتہائی پرجوش ہیں۔
تصاویر میں دیکھا جاسکتا ہے کہ حرا مانی ناروے کے سرد موسم سے خوب لطف اٹھا رہے ہیں، مداحوں نے بھی تصاویر پر پسندیدگی کا اظہار کیا ہے۔
