اتوار, فروری 16, 2025
اشتہار

استنبول حملہ: ریتھک روشن بال بال بچ گئے

اشتہار

حیرت انگیز

نئی دہلی: بالی وڈ اداکار ریتھک روشن گزشتہ رات استنبول کے ایئرپورٹ پر ہونے والے حملے میں بال بال بچ گئے۔ انہوں نے اس بات کی خبر اپنے ٹوئٹر اکاؤنٹ کے ذریعہ دی۔

ریتھک روشن میڈرڈ میں آئیفا ایوارڈز میں شرکت کے بعد اپنے بیٹوں کے ہمراہ اسپین اور افریقہ میں چھٹیاں گزار رہے تھے جس کے بعد وہ واپس بھارت جارہے تھے۔ انہیں استنبول کی کنیکٹنگ فلائٹ لینی تھی۔

استنبول میں انہوں نے اپنی فلائٹ مس کردی جس کے بعد وہ دوسری فلائٹ کے ذریعہ وطن واپس روانہ ہوگئے۔

اس کے 3 گھنٹے بعد کمال اتاترک ایئرپورٹ پر دہشت گرد حملہ ہوگیا جس میں اب تک کی اطلاعات کے مطابق 36 افراد ہلاک ہو چکے ہیں۔

ریتھک نے اپنے بچنے کی خبر سماجی رابطے کی ویب سائٹ ٹوئٹر پر دی۔

انہوں نے مذہب کے نام پر قتل کی مذمت کرتے ہوئے دہشت گردی کے خلاف کھڑے ہونے کی اپیل کی جبکہ انہوں نے ایئرپورٹ کے خوش اخلاق عملہ کی تعریف بھی کی۔

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں