عام سا نظر آنے والا معروف کروڑ پتی شخص hirtik roshan new look
The news is by your side.

Advertisement

عام سا نظر آنے والا کروڑ پتی شخص

ممبئی: معروف شخصیات کی انٹرنیٹ پر بعض اوقات ایسی تصاویر سامنے آتی ہیں جنہیں دیکھ کر یقین کرنا مشکل ہوتا ہے اسی طرح گزشتہ دنوں ایک بالی ووڈ اداکار کی تصویر وائرل ہوئی جنہیں دیکھ کر پہچاننا ناممکن نظر آتا ہے۔

انٹرنیٹ کے بڑھتے ہوئے رجحان کو مدنظر رکھتے ہوئے تقریباً تمام ہی معروف شخصیات سوشل میڈیا پر موجود ہیں تاکہ اپنے مداحوں سے   وقتاً فوقتاً رابطے میں رہ سکیں۔

بالی ووڈ اداکار ہوں یا پھر کوئی بھی معروف شخصیت اپنی روز مرہ کے معمول اور دیگر نئی چیزوں کو سوشل میڈٰیا پر اپ لوڈ کرتے ہیں جنہیں مداح بہت پسند بھی کرتے ہیں اور بعض اوقات تو یہ عام سی تصاویر وائرل بھی ہوجاتی ہیں۔

مذکورہ تصویر جب انٹرنیٹ پر وائرل ہوئی تو کوئی اسے پہچان نہ سکا البتہ اس الجھن کو اداکار ہریتھک روشن نے خود ہی دور کردیا، انہوں نے اپنے انسٹاگرام اکاؤنٹ پر تصویر شیئر کرتے ہوئے بتایا کہ یہ روپ انہوں نے نئی فلم کے لیے دھارا ہے۔

واضح رہے کہ ہریتھک روشن ریاضی کے ماہر آنند کمار کی زندگی پر بنائی جانے والی فلم ’سپر30‘ میں مرکزی کردار ادا کررہے ہیں، انٹرنیٹ پر وائرل ہونے والی تصویر جے پور شہر کی ہے جہاں ایک اسکول کے باہر منظر عکس بند کیا جارہا تھا۔

تصویر میں دیکھا جاسکتا ہے کہ بالی ووڈ اداکار سائیکل پر بیٹھ کر اسکول کے باہر پاپڑ فروخت کررہے ہیں، اس کے علاوہ وہ اسکول کا بستہ کاندھے پر لٹکائے بھی نظر آرہے ہیں جبکہ تیسری تصویر میں وہ چبوترے پر ایک لڑکی کے ہمراہ بیٹھے ہیں۔

دلچسپ امر یہ ہے کہ فلم میں ہیروئن کا کردار ادا کرنے کے لیے تقریباً 15 ہزار سے زائد طالبات کے آیڈیشن کیے گئے تاہم ابھی تک کسی کو نامزد نہیں کیا گیا، بھارتی میڈیا سے ملنے والی متضاد اطلاعات کے مطابق سیف علی خان نے اپنی صاحبزادی سارہ علی کو رول دینے کے لیے ڈائریکٹر کار ویکاس بہل سے منت سماجت بھی کی تھی۔

خیال رہے کہ بھارت سے تعلق رکھنے والے معروف ریاضی دان آنند کمار  کا شمار اُن لوگوں میں ہوتا تھا جو غریب طلبہ کی ہر سطح پر مدد کرتے تھے، انہوں نے 30 نادر طالب علموں کو اسکول میں داخلہ دلوایا اور پڑھائی میں اُن کی مدد بھی کی تھی جس کے بعد انہوں نے امتیازی نمبروں سے امتحان پاس کیا تھا۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں