کراچی پورٹ ٹرسٹ پر پاکستانی تاریخ کا وسیع الحجم کنٹینر جہاز لنگر اندا ہو گیا۔
تفصیلات کے مطابق کے پی ٹی نے وسیع الحجم جہاز جس کی لمبائی 366 میٹر، 153666 میٹرک ٹن جی آر ٹی اور 51 میٹر بیم والے جہاز کو SAPT-3 کی گودیوں کے ساتھ لنگر انداز کرکے ایک تاریخ رقم کی ہے۔
کراچی پورٹ کی تاریخ کا سب سے بڑا اور جسیم حجم والا جہاز ک کراچی بندرگاہ نے ہینڈل کیا گیا ہے، اس سے قبل پاکستان کی کسی بھی بندرگاہ پر اتنا بڑا کارگو جہاز لنگر انداز نہیں ہوا تھا۔
ہانگ کانگ جھنڈے کا حامل یہ جہاز گزشتہ رات بجے کراچی بندرگاہ پر لنگر انداز ہوا جسے کے پی ٹی کے ڈپٹی کنزرویٹر کپتان آصف احمد سعید طونی نے پیشہ ورانہ مہارت اور احتیاطی تدابیر کے ساتھ لنگر انداز کرایا۔
کے پی ٹی نے اس سے قبل 354 میٹر لمبا، 128929 میٹر جسیم اور 45 میٹر بیم والے جہازوں کو ہینڈل کیا تھا۔ اس اہم سنگ میل پر چیئرمین کے پی ٹی جمیل اختر نے تمام آپریشنز ٹیم کو مبارکباد دی ہے۔
