بھارتی ہاکی ٹیم کے سابق کپتان محمد شاہد انتقال کرگئے -
The news is by your side.

Advertisement

بھارتی ہاکی ٹیم کے سابق کپتان محمد شاہد انتقال کرگئے

ممبئی: بھارت کے نامور ہاکی کھلاڑی اور سابق کپتان محمد شاہد چھپن سال کی عمر میں انتقال کرگئے۔

بھارتی ہاکی کی پہچان محمد شاہد اب اس دنیا میں نہیں رہے، سن اسی کی دہائی میں ماسکو اولمپکس میں بھارت کو گولڈ میڈل جتوانے میں محمد شاہد کا اہم کردار رہا۔

ہاکی کا ہر متوالامحمد شاہد کا دیوانہ تھا، ان کا کھیل سب سے منفرد تھا، شاہد نے بہترین ہاکی سے سب کے دل جیتے، کھلاڑیوں کو ڈاج دینے میں وہ بھرپور مہارت رکھتے تھے، ایشین گیمز میں لیجنڈ کھلاڑی نے کانسی اور چاندی کا تمغہ بھی حاصل کیا۔

انیس سو اکیاسی میں محمد شاہد کو ارجونا ایوارڈ سے بھی نوازا گیا، شاہد جگر کے عارضے میں مبتلا تھے اور کئی دنوں سے نجی اسپتال میں زیر علاج تھے۔

بھارتی کرکٹ میں جس طرح سنیل گواسکر اور کپیل دیو کو لیجنڈ مانا جاتا ہے اسی طرح بھارت میں محمد شاہد کو عظیم کھلاڑی قرار دیا جاتا ہے۔

Comments

comments

یہ بھی پڑھیں