site
stats
کھیل

لندن: ہاکی ورلڈ کپ کوالیفائنگ راؤنڈ ، ارجنٹائن نے پاکستان کو ہرا دیا

لندن: ہاکی ورلڈ کپ کوالیفائنگ راؤنڈ کے کوارٹر فائنل میں ارجنٹائن نے پاکستان کو ایک کے مقابلے میں تین گول سے ہرا دیا۔

تفصیلات کے مطابق جمعرات کو کھیلے گئے اس میچ میں ارجنٹائن نے پاکستان کے خلاف تین گول کیے اور فتح حاصل کرلی، پاکستان کی جانب سے واحد گول شان علی نے کیا۔

پاکستانی ٹیم کی کارکردگی اس کوالیفائنگ راؤنڈ میں مایوس کن رہی ہے اور اسے اپنے پول میں 4 میں سے 3 میچوں میں شکست کا سامنا رہا ہے۔

پاکستانی ٹیم اپنا پہلا میچ ہالینڈ کے خلاف چار گول سے ہاری، دوسرے میچ میں کینیڈا نے اسے چھ گول سے ہرادیا جبکہ تیسرے میچ میں روایتی حریف انڈیا نے اسے ایک کے مقابلے میں سات گول سے شکست دی تھی۔

پاکستان ہاکی فیڈریشن نے ورلڈ کپ کوالیفائنگ راؤنڈ میں پاکستانی ٹیم کی کارکردگی کو مایوس کن قرار دیا ہے۔

پاکستانی ٹیم نے واحد کامیابی اسکاٹ لینڈ کے خلاف تین ایک سے حاصل کی، اس کوالیفائنگ راؤنڈ سے پانچ ٹیمیں آئندہ سال بھارت میں ہونے والے عالمی کپ کے لیے کوالیفائی کریں گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top