hockey ہاکی کے سابق کپتان عبدالحسیم خان نے احتجاجاً ریٹائرمنٹ کا اعلان کردیا
The news is by your side.

Advertisement

ہاکی کے سابق کپتان عبدالحسیم خان نے احتجاجاً ریٹائرمنٹ کا اعلان کردیا

کراچی : ہاکی ٹیم کے سابق کپتان عبدالحسیم خان نے پی ایچ ایف کی سلیکشن کمیٹی کے ناروا سلوک سے دلبرداشتہ ہوکرانٹرنیشنل ہاکی سے ریٹائرمنٹ کا اعلان کردیا، ان کا کہنا ہے کہ جو آئیڈیل تھے انہوں نے جھوٹے الزامات لگا کر مجھے مایوس کیا ہے۔

تفصیلات کے مطابق قومی ہاکی ٹیم کے سابق کپتان عبدالحسیم خان کراچی میں پریس کانفرنس کرتے ہوئے پی ایچ ایف کی سلیکشن کمیٹی کیخلاف پھٹ پڑے۔

انہوں نے سلیکشن کمیٹی کے رویے سے دلبرداشتہ ہوکر احتجاجاً ریٹارئرمنٹ کا اعلان کردیا، عبدالحسیم خان کا کہنا تھا کہ ٹیم میں کھلاڑیوں کا انتخاب شاید اب فون کالز پر ہونے لگا ہے، حسن سردار کے الزامات سے بہت دکھ ہوا۔

انہوں نے کہا کہ سلیکشن کمیٹی کی جانب سے میری فٹنس کے بارے میں جھوٹ بولا گیا، پرفارمنس کے باوجود ٹیم سے ڈراپ کر دیا گیا، جب تک موجودہ سلیکشن کمیٹی ہے میں اپنا استعفیٰ واپس نہیں لوں گا۔


مزید پڑھیں: ہیروایشیا ہاکی کپ، پاکستان فائنل کی دوڑ سے باہر


ایک سوال کے جواب میں سابق کپتان کا کہنا تھا کہ قومی ٹیم کیلئے غیرملکی کوچ کی تقرری بہت ضروری ہے کیونکہ قومی کھیل اس وقت تباہی کے دہانے پر پہنچ چکا ہے۔

Comments

comments

یہ بھی پڑھیں