ہولی کا تہوار، بلاول بھٹو، شہبازشریف اور مریم نواز کی ہندو برادری کو مبارکباد
The news is by your side.

Advertisement

ہولی کا تہوار : بلاول بھٹو، شہبازشریف اور مریم نواز کی ہندو برادری کو مبارکباد

کراچی: پاکستان سمیت دنیابھر میں ہندو برادری ہولی کا تہوار منا رہی ہے، پیپلز پارٹی کے چیئرمین بلاول بھٹو اور وزیر اعلیٰ پنجاب شہباز شریف نے ہندو برادری کو مبارکباد دی۔

تفصیلات کے مطابق پاکستان سمیت دنیا بھر میں ہندو برادری ہولی کا تہوار منا رہی ہے اور ہر طرف رنگ ہی رنگ بکھرگئے اور بچے بڑے سب ایک دوسرے پر خوب رنگ پھینکنے میں مصروف ہیں۔

پیپلزپارٹی چیئرمین بلاول بھٹو نے ہولی کی مبارکباد دیتے ہوئے کہا کہ پیپلز پارٹی غیرمسلموں کے لئے یکساں حقوق اور مواقع کی حامی ہے، قائداعظم کے نظریےکی علمبردار فقط پیپلزپارٹی ہے۔

انکا کہنا تھا کہ پیپلز پارٹی نے غیرمسلم پاکستانیوں کے حقوق کے لیئے آئینی ضمانتیں دی ہیں، پی پی پی نے پارلیمینٹ پارٹی میں غیرمسلموں کو بے مثال نمائندگی دی ہے، ہر پاکستانی کو محفوظ ماحول میں مذہبی تہوار منانے کی کھلی آزادی ہے۔

بلاول بھٹو آج اسلام آباد میں ہولی منائیں گے۔

وزیر اعلیٰ پنجاب شہبازشریف نے سماجی رابطے کی ویب سائٹ ٹوئٹر پر ہولی کے موقع پر ہندوبرادری کو مبارکباد دی اورنیک خواہشات کا اظہار کیا۔

سابق وزیر اعظم نواز شریف کی صاحبزادی مریم نواز نے بھی سماجی رابطے کی ویب سائٹ ٹوئٹر پر ہندو برادری کو ہولی کی مبارکباد دی۔

گورنرسندھ محمد زبیر نے بھی ہندوبرادری کو ہولی کی مبارکباد دیتے ہوئے کہا کہ پاکستان میں اقلیتوں حقوق اور مذہبی رسومات کی آزادی ہے، سماجی شعبہ میں ہندوبرادری اہم خدمات انجام دے رہی ہے، ہر شعبہ زندگی میں ہندو برادری کو مناسب نمائندگی حاصل ہے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں