پنجاب /خیبرپختونخواہ: پاکستان پیپلز پارٹی کے چیئر مین بلاول بھٹو آج ہولو گرام ٹیکنالوجی کے ذریعے پاکستان کے چار شہروں میں خطاب کریں گے‘ پاکستان میں کسی سیاسی رہنما کا ہولو گرام کے ذریعے یہ پہلا خطاب ہوگا۔
تفصیلات کے مطابق پیپلز پارٹی کے عنقریب آنے والے یومِ تاسیس کے سلسلے میں بلاول بھٹو ہولو گرام کے ذریعے پنجاب اور خیبر پختونخواہ کے کارکنان سے براہ راست خطاب کریں گے۔
یہ خطاب پشاور‘ فتح جنگ ‘ مظفرآباد اور گوجر خان میں کیے جائیں گے اور بلاول بھٹواپنی یک مشت چار مقامات پر ہونے والی تقریرمیں یوم تاسیس اور ملک کی موجودہ سیاسی صورتحال پربات کریں گے۔
یہ پہلی بار ہے کہ پاکستان میں کوئی سیاست داں ہولو گرام ٹیکنالوجی کا استعمال کرے گا‘ اس سے قبل تحریک انصاف نے بھی فرانس کے حالیہ انتخابات میں ہولو گرام ٹیکنالوجی کے مفید اورکثیر الجہت فوائدسے متاثر ہوکر آئندہ الیکشن کمپئین میں اسی ٹیکنالوجی کے استعمال کا فیصلہ کیا تھا‘ تاہم بلاول بھٹو اس کا عملی مظاہرہ کرکے آج بازی مار جائیں گے۔
اس حوالے سے بلاول بھٹونے اپنے ٹویٹر پیغام میں کہا ہے کہ جدید ٹیکنالوجی کا استعمال اس بات کی جانب اشارہ کرتا ہے کہ ایک ترقی یافتہ پاکستان ہمارا ویژن ہے ۔
In order to expand our outreach,I will be delivering holographic speeches in a number of locations today and over the coming months. Use of innovative tech is in line with our vision of seeing a technologically advanced Pakistan. #WeMakeHistory #50yearsofPPP #WeAreTheTrendSetters
— BilawalBhuttoZardari (@BBhuttoZardari) November 21, 2017
ہولوگرام کیا ہے؟*
خیال رہے کہ 7 ڈی ٹیکنالوجی ایک ایسی ٹیکنالوجی ہے، جس میں روشنی بالخصوص لیزر شعاؤں کی مدد سے کسی منظر کو پروجیکٹ کیا جاتا ہے. اس طریقہ کار میں روشنی کی شعاؤں کو کسی پردے کی بجائے ماحول پر پروجیکٹ کیا جاتا ہے. اس طریقے سے بننے والی تصاویر اور ویڈیوز اتنی حقیقی ہوتی ہیں کہ ان پر اصلی کا گمان ہوتا ہے. کمپیوٹر کی اصطلاح میں اسکو ہولو گرافی کہتے ہیں۔
ہولوگرام جدید سائنسی ٹیکنالوجی سے تیار ہوتے ہیں، جو لیزر لائیٹ کے شعاعوں اور لینسز کے ذریعے کام کرتے ہیں، ہولوگرام جیسے آلات زیادہ ترسائنس فنکشن فلموں میں دکھائے جاتے ہیں، جو ایک دوسرے سے الگ ہونے کے باوجود ایک دوسرے سے جڑے ہوتے ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔
