تازہ ترین

پنجاب کی تمام جامعات میں ترجمے کے ساتھ قرآن پاک پڑھانا لازمی قرار

لاہور: گورنر پنجاب چوہدی محمد سرور کی ہدایت پر صوبہ پنجاب کی تمام جامعات میں ترجمے کے ساتھ قرآن پاک پڑھانے کو لازمی قرار دے دیا گیا، قرآن پاک ترجمہ کے ساتھ پڑھے بغیر ڈگری نہیں ملے گی۔

تفصیلات کے مطابق گورنر پنجاب چوہدری محمد سرور نے تاریخی اقدام کرتے ہوئے یونیورسٹیز میں ترجمے کے ساتھ قرآن پاک پڑھانے کو لازمی قرار دے دیا۔

صوبہ پنجاب کی یونیورسٹیز میں ترجمے کے ساتھ قرآن پاک پڑھانے کا نوٹیفکیشن جاری کردیا گیا، نوٹیفکیشن کے مطابق پنجاب کی جامعات میں قرآن پاک ترجمہ کے ساتھ پڑھے بغیر ڈگری نہیں ملے گی۔

نوٹیفکیشن میں کہا گیا ہے کہ پنجاب کی جامعات میں لیکچررز طلبا کو ترجمے کے ساتھ قرآن پڑھائیں گے، قرآن مجید کا نصاب اسلامیات کے مضمون کے علاوہ پڑھایا جائے گا۔

گورنر پنجاب چوہدری محمد سرور کا کہنا ہے کہ قرآن مجید ہمارے لیے اصل رہنمائی کا ذریعہ ہے۔

Comments

- Advertisement -