The news is by your side.

Advertisement

9 اور 10 محرم کو موبائل سروس بند رکھنے کی سفارش

لاہور : محکمہ داخلہ پنجاب  نے محرم الحرام سے متعلق سیکیورٹی پلان تیار کرلیا اور 9 اور 10 محرم کوموبائل سروس بند رکھنے کی سفارش کر دی ہے۔

تفصیلات کے مطابق وزیر قانون پنجاب راجہ بشارت کی زیر صدارت ڈویژنل کمشنرز،آر پی اوز کا اجلاس ہوا، جس میں محکمہ داخلہ نے پنجاب کی سطح پر محرم الحرام سے متعلق سیکیورٹی پلان تیار کرلیا گیا۔

محکمہ داخلہ پنجاب کی جانب سے 9 اور 10 محرم کوموبائل سروس بند رکھنے کی سفارش کی گئی اور کہا گیا کہ موبائل سروس جلوسوں کے راستوں پر بند کی جائیں گی۔

وزیرقانون پنجاب نے  اس حوالے سے ڈویژنل کمشنرز ،آر پی اوزکو کو ہدایت جاری کردی ہے۔

یاد رہے رواں ماہ کے آغاز میں محکمہ داخلہ پنجاب کی جانب سے کابینہ کمیٹی برائے امن و امان کو بریفنگ میں بتایا تھا کہ یکم سے10محرم تک پاک فوج کی24 کمپنیوں کی خدمات مانگی گئی ہیں، محرم کیلئے رینجرز کی بھی34کمپنیوں کی خدمات کی درخواست مانگی ہیں۔

محکمہ داخلہ پنجاب نے کہا تھا وفاقی وزارت داخلہ کو اس حوالےسے خط لکھ دیا گیا ہے ، یکم سے10محرم پنجاب میں ڈبل سواری پرپابندی ہوگی۔

خیال رہے وزیر مذہبی امور کی زیر صدارت علما کرام اور دیگر محکموں کے اجلاس میں فیصلہ کیا گیا ہے کہ وبا کا پھیلاؤ روکنے کے لیے محرم میں ایس او پیز پر مکمل عمل کیا جائے گا۔

Comments

یہ بھی پڑھیں