کنساس: امریکی ریاست کنساس کے ایک علاقے میں واقع گھر بالکل مفت فروخت کرنے کا اعلان کیا گیا ہے، تاہم ساتھ میں یہ شرط رکھی گئی ہے کہ خریدار کو گھر اٹھا کر اپنے ساتھ لے جانا پڑے گا۔
تفصیلات کے مطابق کنساس کے ایک علاقے لنکن میں ایک تاریخی گھر بنا ہوا ہے، یہ 3 بیڈ روم کا ہے، اور اسے صفر روپے میں فروخت کیا جا رہا ہے، لیکن اگر آپ یہ گھر خریدیں گے تو آپ اس میں رہ نہیں سکتے، بلکہ آپ کو یہ گھر کہیں اور منتقل کرنا پڑے گا۔
یہ گھر 1910 سے لنکن، کنساس میں واقع ہے، دراصل اس گھر کے بالکل سامنے موجود اسپتال نے اس زمین کا قبضہ حاصل کر لیا ہے، لیکن وہ اس تاریخی عمارت کو گرانا نہیں چاہتا، چناں چہ لنکن کاؤنٹی اسپتال اور ہیلتھ کیئر فاؤنڈیشن نے فیصلہ کیا کہ یہ گھر کسی کو بالکل مفت دے دیا جائے۔
یہ گھر 2,023 مربع فٹ پر بنا ہوا ہے اور 2 منزلہ ہے، پورے گھر میں لکڑی کا اتنا کام ہے کہ کوئی بھی اسے خریدنے کے لیے پرجوش ہو سکتا ہے، اس میں بلوط اور دیودار کی جتنی لکڑیاں لگائی گئی ہیں وہ تمام ابھی تک اصل حالت میں ہیں۔
This 3-bedroom home is on sale for Rs 0 – but you’ll have to move the actual house https://t.co/p3lpLq22Rm
— Wionn Network (@wionn9) March 25, 2022
گھر کی منتقلی میں بڑا مسئلہ اس کی پتھر سے بنی بنیاد ہے، اس کا یہی حل ہوگا کہ گھر جہاں منتقل ہوگا وہاں نئی بنیاد بنائی جائے گی۔
اور حیران کن خبر یہ بھی ہے کہ آپ یقیناً سوچ رہے ہوں گے کہ جو گھر آپ مفت میں خرید رہے ہیں اسے منتقل کرنے کے لیے آپ کو اپنی جیبیں خالی کرنی ہوں گی، لیکن فکر نہ کریں!
گھر فروخت ہونے سے قبل اس میں برسوں پرانا خزانہ نکل آیا (ویڈیو دیکھیں)
لنکن کاؤنٹی اکنامک ڈیولپمنٹ فاؤنڈیشن نے اس مکان کی منتقلی میں مدد کے لیے 30 ہزار ڈالر (22.87 لاکھ روپے) کا گرانٹ فنڈ بھی حاصل کر لیا ہے۔ تاہم اگر نیا مالک نہ مل سکا تو رواں سال کے آخر میں اسے گرا دیا جائے گا۔
