زلزلہ متاثرین کو ہنگامی بنیادوں پر شناختی کارڈ جاری کئے جائیں، چوہدری نثار -
The news is by your side.

Advertisement

زلزلہ متاثرین کو ہنگامی بنیادوں پر شناختی کارڈ جاری کئے جائیں، چوہدری نثار

اسلام آباد: وزیر داخلہ چوہدری نثار نے چیرمین نادرا کو خیبر پختونخوامیں زلزلہ متاثرین کے لیے ہنگامی بنیادوں پر امدادی اقدامات فراہم کرنے کی ہدایت کر دی۔

 وفاقی وزیر داخلہ چوہدری علی خان نثار نے نادرا عملے اور موبائل وین کو متاثرہ مضافاتی اضلاع میں متاثرہ افراد کو مفت کمپیوٹرائزڈ قومی شناختی کارڈ جاری کرنے کی ہدایت کی ہے۔

وزیر داخلہ چوہدری نثارنے متاثرہ علاقوں میں قائم نادرا کے تمام رجسٹریشن سنٹرزکو مطلع کیا گیا ہےکہ وہ ہنگامی بنیادوں پر کمپیوٹرائزڈ قومی شناختی کارڈ لوگوں کو فراہم کریں جبکہ ڈوپلیکیٹ کارڈ بنانے کے لیے کسی قسم کی دستاویزات طلب نہیں کی جائےگی۔

زلزلے سے متاثرہ فرد کسی بھی نادرا رجسٹریشن آفس یا موبائل وین اور مین پیک یونٹ کو اپنےکارڈ کے حصول کی درخواست دے سکتا ہے۔

چئرمین نادرا نے ڈی جی پشاور کو صوبہ بھر میں آپریشنل کاروائیوں کی نگرانی کرنے کی بھی ہدایات جاری کر دیں، نادرا نے ابتدائی طور پر جدید ترین کمپیوٹرائزڈ سسٹم سے لیس 10موبائل رجسٹریشن وینزاور 15 مین پیک یونٹ متاثرہ علاقوں میں رجسٹریشن کے لئے مقرر کر دیئے ہیں۔

Comments

comments

یہ بھی پڑھیں