The news is by your side.

Advertisement

وزیر داخلہ کا سوئس مقدمات سے متعلق اہم اعلان

کراچی: وفاقی وزیر داخلہ شیخ رشید نے سوئس اکاؤنٹ کا کیس دوبارہ کھولنے کا عندیہ دے دیا ہے۔

تفصیلات کے مطابق کراچی میں پریس کانفرنس کرتے ہوئے وفاقی وزیر داخلہ شیخ رشید نے کہا کہ براڈ شیٹ کمیشن نے سوئس اکاؤنٹس کھولنے کی بھی سفارش کی، اب سوئس اکاؤنٹ کا کیس دوبارہ کھولا جائے گا، گزشتہ حکومت نے سوئس اکاؤنٹ معاملےپر60ملین ڈالر دیئے وہ ہم سب کے پیسےتھے۔

شیخ رشید نے کہا کہ پاکستان کا وقار،ناموس رسالت پر طے کیا اسمبلی میں مسودہ لائیں گے، ساتھ ہی انہوں نے کہا کہ وزیراعظم عمران دو ٹوک الفاظ میں کہہ چکے کہ بھارت سے آرٹیکل370کی واپسی تک کوئی بات نہیں ہوگی۔

پریس کانفرنس میں ڈسکہ الیکشن پر شیخ رشید نے کہا کہ ہم ہار کر بھی جیتے کیوں کہ اسجد ملہی کو پہلےسے زیادہ ووٹ ملے، جمہوریت کا فیصلہ ہمیں قبول کرناہے، پی ٹی آئی ہار کر بھی جیتی ہےکیونکہ جمہوریت جیتی ہے، اسجد ملہی چھ ہزار اور ووٹ لےلیتے تو الیکشن برابر ہوجاتا۔

وفاقی وزیر داخلہ نے کہا کہ میری زندگی میں ڈسکہ کا الیکشن پہلا ہے جو پچاس دن میں دوبارہ ہوا، اس کی تعریف کرنی چاہیے کہ ڈسکہ میں اس بار پرامن الیکشن ہوئے۔

کراچی میں پریس کانفرنس کرتے ہوئے وفاقی وزیر داخلہ کا کہنا تھا کہ شکر کریں اللہ نے پاکستان کو عظیم فوج دی ہے، یہ عظیم فوج نہ ہوتی تو حالات یمن ، لیبیا ،عراق سے کم نہ ہوتے، وفاقی وزیر داخلہ نے کہا کہ سرحدوں کو محفوظ بنانے کے لئے خاردارتاریں اورباڑ لگانےکا کریڈٹ پاک فوج کوجاتاہے، ایران کے ساتھ بارڈر کا کام 42فیصدکام ہوچکاہے، انشااللہ30جون تک افغان بارڈر مکمل ہوجائےگی۔

شیخ رشید کا کہنا تھا کہ میرا دل گواہی دیتاہے یہ لوگ کہیں نہیں جارہے عمران خان کیساتھ کھڑے ہیں، عثمان بزدار کا قلعہ مضبوط ہے عمران خان ان کیساتھ کھڑے ہیں، عمران خان کی خوش نصیبی ہے کہ نالائق اپوزیشن ملی ہے۔

ملک میں مہنگائی سے متعلق وفاقی وزیر داخلہ کا کہنا تھا کہ مہنگائی کنٹرول کرنے کیلئے عمران خان مافیاز سے لڑرہا ہے، اس وقت عمران خان نےتمام مافیازکوللکارہ ہواہے اور وہ ان سے لڑ رہا ہے۔

Comments

یہ بھی پڑھیں