عدنان سمیع کا پاسپورٹ منسوخ کرنے کا فیصلہ -
The news is by your side.

Advertisement

عدنان سمیع کا پاسپورٹ منسوخ کرنے کا فیصلہ

اسلام آباد: وزارتِ داخلہ نے گلوکارعدنان سمیع کا پاکستانی پاسپورٹ منسوخ کرنے کا فیصلہ کرلیا، عدنان سمیع اپنی پاکستانی شہریت واپس کرچکے ہیں۔

گلوکارعدنان سمیع 2001 سے بھارت میں وزٹ ویزہ پرمقیم تھے اور رواں سال ماہ اکتوبرمیں انہیں بھارتی شہریت سے نوازا گیا ہے۔

عدنان سمیع نے 2013 میں بھی بھارتی شہریت کے لئے ممبئی پولیس کی اسپیشل برانچ میں درخواست دی تھی تاہم اس وقت ان کی درخواست منسسوخ کردی گئی تھی۔

بھارتی شہریت حاصل کرنے کے بعد عدنان سمیع نے پاکستانی شہریت منسوخ کرنے کے لئے درخواست دے دی تھی اوراپنا قومی شناختی کارڈ واپس کردیا تھا۔

ان کا پاسپورٹ تاحال کارآمد تھا لیکن جب یہ بات وزیرِداخلہ نثار علی خان کے علم میں آئی تو انہوں نے ڈی جی پاسپورٹ عثمان باجوہ کو فوری طور پرعدنان سمیع کا پاسپورٹ منسوخ کرنے کی ہدایات جاری کردی۔

Comments

comments

یہ بھی پڑھیں