The news is by your side.

موسم سرما میں جلد کو نم رکھنے کے لیے کریم گھر پر بنائیں

موسم سرما میں جلد خصوصی توجہ مانگتی ہے، اس موسم میں اسے دلکش رکھنے کے ساتھ ساتھ نم رکھنا بھی بے حد ضروری ہے۔

سرد ہواؤں میں جلد خشک ہو کر پھٹنے کے ساتھ ہی اپنی رنگت بھی کھونے لگتی ہے، ایسی صورت میں جلد کو دیگر موسموں کی نسبت زیادہ توجہ کی ضرورت ہوتی ہے۔

موسم سرما میں جلد کی حفاظت کے لیےایک ایسی کریم یا موئسچرائزر کی ضرورت ہوتی ہے جو دن بھر ہائیڈریٹ رکھنے کے ساتھ جلد کی رنگت نکھارنے اورقدرتی چمک کو برقرار رکھنے میں بھی مددگار ثابت ہو۔

اس مقصد کے لیے بازار میں کئی طرح کی کریمیں اور لوشن دستیاب ہیں تاہم ان میں کئی طرح کے کیمیکل موجود ہوتے ہیں جو اکثر اوقات سرد موسم میں الرجی کا باعث بھی بن سکتے ہیں۔

یہی وجہ ہے کہ یہاں پر گھریلو اشیا کو استعمال کرتے ہوئے ایک ایسی کریم بنانے کی ترکیب پیش کی جارہی ہے جو موسم سرما میں ہونے والے جلد کے تمام مسائل کا بہترین حل ثابت ہوگی۔

اس کریم کو بنانے کے لیے مندرجہ ذیل اجزا درکار ہیں۔

شیا بٹر: 2 کھانے کے چمچ

بادام کا تیل: 2 کھانے کے چمچ

گلیسرین

لیموں کا رس: 1 کھانے کا چمچ

ایلو ویرا جیل: 4 چائے کے چمچ

ایسنشل آئل: چند قطرے

سب سے پہلے شیا بٹر کو کسی پیالی میں لے کر گرم پانی کے اوپر رکھیں تاکہ یہ پگھل جائے۔

اب اس میں بقایا تمام اجزا کو شامل کر کے اچھی طرح مکس کریں، اس مقصد کے لیے بلینڈر کا ستعمال بھی کیا جاسکتا ہے۔

جب یہ اچھی طرح مکس ہوجائے تو اسے ایک جار میں ڈال کر محفوظ کرلیں، اسے کمرے کے درجہ حرارت پر رکھیں یہ تین ماہ تک کارآمد رہے گی۔

اس کریم کی تھوڑی سی مقدار لے کر چہرے اور ہاتھوں پر لگائیں، یہ دن بھر جلد کی نمی کو برقرار رکھنے کے ساتھ قدرتی نکھار بھی لائے گی۔

شیا بٹر کی جگہ بغیر نمک ملا مکھن، پیٹرولیم جیلی یا دودھ کی بالائی بھی استعمال کر سکتے ہیں۔

Comments

یہ بھی پڑھیں