تہران : امریکی حکام کا کہناہےکہ ایران نے آبنائے ہرمز میں تیز ترین بحری میزائل کا تجربہ کیا ہے۔
تفصیلات کےمطابق امریکی دفاعی حکام کاکہناہےکہ ایران نے آبنائےہرمز میں تیز ترین بحری میزائل کا تجربہ کیا ہے۔
امریکی میڈیا کےمطابق ایرانی تارپیڈو میزائل دوسو پچاس میل فی گھنٹہ کی رفتار سےچھ میل تک اپنے ہدف کو کامیابی سے نشانہ بنانے کی صلاحیت رکھتا ہے۔
ایرانی بحری میزائل تجربہ کامیاب رہا کہ نہیں اس حوالے سے امریکی میڈیا نےخاموشی اختیار کررکھی ہے۔
دوسری جانب امریکی دفاعی حکام نےایرانی میزائل تجربےپر سخت ردعمل کااظہارکرتے ہوئے اسےخطے میں اشتعال انگیزی پھیلانے کےمترادف قرار دیا ہے۔
ایران دہشتگردی کی معاونت کرنے والاسب سےبڑاملک قرار‘جیمز میٹس
یاد رہےکہ رواں سال فروری میں امریکی وزیر دفاع جیمز میٹس کا کہنا تھا کہ ایران دہشت گردوں کی سرپرستی کرنے والا دنیا کابڑاملک ہے،ایران کے خطرے کونظرانداز یامسترد کرنا اچھا ثابت نہیں ہوگا۔
جیمزمیٹس کا کہناتھاکہ ایران پر حالیہ پابندی بیلسٹک میزائل تجربے اور دیگر سرگرمیوں کے باعث لگائی گئی ہے۔ان کاکہناتھاکہ عالمی برادری ایران کی سرگرمیوں کو نظر انداز نہیں کرے گی۔
ایران امریکہ کی دھمکیوں سے ڈرنے والا نہیں‘جواد ظریف
واضح رہےکہ 20فروری2017 کو ایرانی وزیرخارجہ جواد ظریف کا کہناتھاکہ امریکہ دھمکیاں دینا بندکرے،ایران ان دھمکیوں سے ڈرنے والا نہیں ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
