تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

بچوں سے زیادتی کے مجرم کی جیل میں پراسرار موت

کیلیفورنیا : بچوں کے ساتھ جنسی زیادتی کے جرم میں قید شخص اپنے سیل میں پراسرار طو رپر مردہ پایا گیا، حیرت انگیز طور پر قیدی کی موت کی وجوہات سامنے نہیں آسکیں۔

امریکہ کی ریاست کیلیفورنیا کی مولیک کریک اسٹیٹ جیل سے ایک قیدی کی لاش برآمد ہوئی ہے، 46سالہ ڈینڈر آسٹن اپنے سیل میں مردہ پایا گیا، افسران اس کو موت کی تحقیقات کررہے ہیں۔

غیر ملکی خبر رساں ادارے کے مطابق تحقیقاتی ٹیم کی جانب سے اس بات کا خدشہ ظاہر کیا جارہا ہے کہ ڈینڈر آسٹن کو قتل کیا گیا ہے، کیلیفورنیا کے محکمہ اصلاحات و بحالی کے مطابق46 سالہ ڈینڈر آسٹن کو گزشتہ روز شام 6ساڑھے 6بجے مردہ قرار دیا گیا تھا۔

بیان میں کہا گیا ہے کہ جیل حکام نے آسٹن کے ساتھ دوسرے قیدی کو الگ سیل میں رکھا تھا، تفتیشی اہلکار قیدی کی موت کی وجہ کو تلاش کررہے ہیں تاہم یہ واضح نہیں ہے کہ آسٹن کی موت کیسے ہوئی۔

سی ڈی سی آر کے مطابق قیدی آسٹن پر ایک سے زیادہ بچوں پر جنسی زیادتی کے الزامات ہیں وہ مجرم قرار دیے جانے کے بعد پیرول کے امکان کے ساتھ عمر قید کی سزا بھگت رہا تھا، جس میں عصمت دری ، فحش اور غیر اخلاقی سلوک ، مسلسل جنسی زیادتی اور دیگر جرائم شامل ہیں۔

Comments

- Advertisement -