The news is by your side.

Advertisement

شہد کی مکھیوں کا خوفناک حملہ، معمر شخص کی جان لے لی

شہد کی مکھیوں کے کاٹنے سے ایک 70 سالہ امریکی ہلاک ہوگیا۔ واقعہ امریکی ریاست ٹیکساس میں پیش آیا ہے۔

خبر رساں ادارے کے مطابق ہلاک ہونے والے شخص پر شہد کی مکھیوں نے اس وقت اچانک حملہ کردیا جب وہ اپنے گھر کے صحن میں چہل قدمی کررہا تھا۔

اطلاع ملنے پر فائر ڈیپارٹمنٹ اور پولیس جائے وقوعہ پر پہنچی اور صورتحال کا جائزہ لیا، اس حوالے سے فائر ڈیپارٹمنٹ نے ایک فیس بک پوسٹ میں بتایا کہ جب وہ وہاں پہنچے تو شہد کی بے شمار مکھیاں موجود تھیں۔

محکمہ کے افسر کے مطابق یہ مکھیاں خطرناک افریقی نسل سے تعلق رکھتی ہیں اور انہیں قاتل مکھیوں کے نام سے بھی جانا جاتا ہے، ان کا چھتہ گھر کے صحن میں لگے ایک تناور درخت کے تنے میں تھا۔

طبی عہدیداروں نے بتایا کہ اس شخص کو مکھیوں کے اچانک حملے اور تکلیف کے باعث دل کا شدید دورہ پڑا تھا، ابددائی طبی امداد میں ہم نے اسے بچانے کی بھرپور کوشش کی لیکن عمر کے تقاضے اور دیگر مسائل کے سبب وہ شخص جان کی بازی ہار گیا۔

انہوں نے میڈیا کو بتایا کہ جائے وقوعہ پر مرنے والے شخص کی بیوی بھی اسی صورتحال سے دوچار تھی جسے فوری طبی مداد کیلئے اسپتال منتقل کردیا گیا۔ اس کے علاوہ آس پڑوس کے دیگر متاثرہ افراد کو بھی طبی امداد دی گئی۔

طبی ماہرین کے مطابق شہد کی مکھی کے کاٹنے سے عام حالات میں موت واقع نہیں ہوتی البتہ بڑی تعداد میں مکھیاں حملہ کر دیں تو خون کا دورانیہ کم ہو جاتا ہے، سانس گھٹ جاتی ہے اور دل کا دورہ پڑ سکتا ہے۔

Comments

یہ بھی پڑھیں