The news is by your side.

Advertisement

جیکب آباد: پسند کی شادی کرنے والے جوڑے کا اندوہناک قتل، ورثا کا دھرنا

صوبہ سندھ کے ضلع جیکب آباد میں پسند کی شادی کرنے والے جوڑے کا عبرتناک انجام ہوا ہے۔

تفصیلات کے مطابق جیکب آباد میں پسندکی شادی کرنےوالی حاملہ خاتون کو شوہر سمیت قتل کردیا گیا ہے۔

پولیس کی جانب سے بتایا گیا کہ واقعہ صدرتھانےکی حدود واحد بخش ٹالانی میں پیش آیا جہاں جوڑے کو گھر میں گھس کر قتل کیا گیا، واقعے کی اطلاع ملنے پر پولیس جائے حادثے پر پہنچی اور لاشوں کو سول اسپتال منتقل کیا۔

پولیس کے مطابق واقعے میں ملوث افراد کی گرفتاری کے لئے ٹیمیں تشکیل دے دی گئی ہیں۔

ادھر ورثا نے قاتلوں کی عدم گرفتاری پرلاشیں قومی شاہراہ پر رکھ کر دھرنا دے دیا ہے، ورثا کا مطالبہ ہے کہ ملزمان کو فوری گرفتار کیا جائے، دھرنےکےباعث سندھ بلوچستان اورپنجاب کیلئے ٹریفک معطل ہوگئی ہے

Comments

یہ بھی پڑھیں