The news is by your side.

Advertisement

موٹر وے پر دو کم عمر لڑکوں کا لرزہ خیز قتل

راولپنڈی کی تحصیل ٹیکسلا میں نامعلوم ملزمان کے ہاتھوں دو کم عمر بچوں کے لرزہ خیز قتل نے سنسنی پھیلادی ہے۔

پولیس کے مطابق واقعہ تھانہ ٹیکسلا کی حدود میں پیش آیا جہاں نامعلوم ملزمان نے دو کم عم لڑکوں کو قتل کیا اور لاشیں موٹروے پر پھینک کر فرارہو گئے، قتل ہونے والے لڑکوں کی عمریں 10 سے 12 سال کے درمیان ہیں۔

پولیس کے مطابق فوری طور پر قتل کے محرکات معلوم نہ ہوسکےاور لڑکوں کی شناخت بھی نہ ہوسکی ہے، موبائل فرانزک لیبارٹری کی مدد سے جائے وقوعہ سے اہم شواہد جمع کیے ہیں، لڑکوں کی لاشوں کو پوسٹ مارٹم کے لیے تحصیل ہیڈ کوارٹرز اسپتال ٹیکسلا منتقل کر دیا گیا ہے۔

ترجمان پولیس کے مطابق سی پی او عمر سعید ملک نے جائے وقوعہ کا دورہ کرکے ایس پی پوٹھوہار سے تفصیلات لیں اور جائے واردات کا جائزہ لیا، پولیس کا کہنا تھا کہ قتل کی اندوہناک واردات میں ملوث ملزمان کی تلاش کے لیے تمام وسائل استعمال کیے جا رہے ہیں جبکہ مقدمہ درج کرلیا ہے۔

پولیس افسران نے تفتیشی افسران کو ہدایت کی ہے کہ معاملے کی تحقیقات زیادتی قتل، اغوا سمیت دیگر پہلوں پر بھی کی جائے تاکہ جلد ملزمان کو گرفتار کیا جاسکے۔

Comments

یہ بھی پڑھیں