بیجنگ: شنگھائی ریلوے اسٹیشن پر رونما ہونے والے واقعے نے مسافروں کے ہوش اڑادئیے۔
بین الاقوامی میڈیا رپورٹ کے مطابق شنگھائی کے زیر زمین ریلوے اسٹیشن پر ایک مسافر جلد بازی کے باعث ٹرین میں سوار کی کوشش کررہا تھا کہ خودکار دروازے بند ہونے کے باعث پلیٹ فارم اور سیفٹی اسکرین کے درمیان پھنس گیا۔
اسٹیشن پر موجود مسافر یہ دل خراش منظر دیکھ کر خوف زدہ ہوگئے، اسی لمحے اسٹیشن آفیسر پلیٹ فارم نے مستعدی کا مظاہرہ کرتے ہوئے ہنگامی بٹن دباکر اسے مزید نقصان پہنچانے سے بچایا، اور دوسرے مسافر نے اسکرین پر پھنسے مسافر کو ٹرین میں داخل ہونے کی مدد فراہم کی۔
سرکاری حکام کے مطابق واقعے میں متاثرہ شخص کو کسی قسم کے زخم نہیں آئے، واقعے کے تین منٹ بعد ٹرین سروس دوبارہ شروع کردی گئی۔
دوسری جانب چینی سوشل میڈیا پر واقعے کی ایک تصویر تیزی سے وائرل ہورہی ہے، جس میں پھنسا ہوا مسافر پلیٹ فارم پر سیفٹی اسکرین پر لپٹا ہے، جبکہ دوسرے مسافر صدمے سے اسے دیکھ رہے ہیں۔
