The news is by your side.

Advertisement

سگریٹ نوشی کرنے والے شخص کے پھیپھڑے کیسے نکلے؟ خوفناک ویڈیو

سگریٹ نوشی کے خوفناک نتائج کے بارے میں اپنے سنا ہوگا مگر اب ایک ایسا واقعہ پیش آیا جسے جان کر آپ کے رونگٹے کھڑے ہوجائیں گے۔

غیر ملکی خبر رساں ادارے کے مطابق سوشل میڈیا پر ایک خوفناک ویڈیو وائرل ہورہی ہے جس میں کثرت سے سگریٹ نوشی کرنے والے شخص کے پھیپھڑے دیکھائے جو سگریٹ نوشی کی وجہ سے سیاہ ہوچکے ہیں۔

دماغی مرض کے باعث ہلاک ہونے والے شخص نے درخواست کی تھی کہ اس کے پھیپھڑے موت کے بعد عطیہ کردئیے جائیں، 55 سالہ چین اسموکر کی وصیت پوری کرتے ہوئے جب ڈاکٹرز نے اس کے پھیپھڑے جسم سے علیحدہ کیے تو پھیپڑوں کی حالت دیکھ کر ڈاکٹرز بھی حیران رہ گئے۔

رونگٹے کھڑے کردینے والی ویڈیو جسے اب تک ڈھائی کروڑ سے زائد مرتبہ دیکھی جاچکی ہے میں دیکھا جاسکتا ہے کہ مردہ شخص کے پھیپھڑے بلکل سیاہ ہوچکے ہیں۔

طبی ماہرین کے مطابق صحت مند پھیپھڑوں کا رنگ ہلکا گلابی ہوتا ہے لیکن گزشتہ 30 برس سے مسلسل سگریٹ نوشی کے باعث مردہ شخص کے پھیپھڑوں کا رنگ کالا ہوچکا تھا۔

ڈاکٹرز کا کہنا تھا کہ پھیپھڑے لینے کےلیے کئی مریض انتظار کررہے تھے لیکن یہ پھیھڑے کسی بھی مریض کو عطیہ نہیں کیے جاسکتے کیونکہ یہ تین دہائیوں سے سگریٹ کے باعث متعدد خطرناک بیماریوں کا شکار ہیں۔

ڈاکٹرز نے ہیش ٹیگ جیان کے نام سے سماجی رابطے کی ویب سائٹ پر سگریٹ نوشی کے خلاف مہم شروع کرتے ہوئے کہا کہ اس ملک میں بے تحاشا ایسے سگریٹ نوش موجود ہیں جن کے پھیپھڑے اس حالت میں ہیں۔

ان کا کہنا تھا کہ اگر آپ کثرت سے سگریٹ نوشی کرتے ہیں تو آپ پھیپھڑے عطیہ کیے جانے کے باوجود کسی کو نہیں لگائے جاسکتے، ’ان پھیپھڑوں کو دیکھیں، کیا اس کے بعد بھی آپ سگریٹ نوشی کریں گے‘۔

غیر ملکی خبر رساں ادارے کی رپورٹ کے مطابق عالمی ادارہ صحت کی جاری کردہ رپورٹ میں بتایا گیا تھا کہ دنیا بھر میں 70 لاکھ افراد سالانہ سگریٹ نوشی کے باعث مرتے ہیں۔

Comments

comments

یہ بھی پڑھیں