تامل ناڈو: بھارت میں 65 سالہ شخص ہارر فلم دا کنجورنگ 2 دیکھنے کے بعد خوف کے مارے چل بسا۔
غیر ملکی خبر رساں ادارے کے مطابق بھارت کی ریاست تامل ناڈو کے قصبے تیروانامالی میں ایک واقعہ پیش آیا، جہاں 65 سالہ شخص ریلیز ہونے والی فلم ’’دا کنجورنگ 2‘‘ دیکھنے سینما جا پہنچا۔
فلم کے دوران خوفناک مناظر دیکھتے ہوئے 65 سالہ شخص نے سینے میں تکلیف کی شکایت کی اور بے ہوش ہوگیا، جس کے بعد شخص کو طبی امداد کے لیے پرانے گورنمنٹ اسپتال لے جایا گیا، جہاں ٖڈاکٹرز نے اسے مردہ قرار دیا۔
میڈیا رپورٹس کے مطابق ہلاک شخص کی لاش کو تیروانامالی گورنمنٹ میڈیکل کالج پوسٹ مارٹم کے لیے منتقل کیا گیا، جس کے بعد سے لاش اور وہ شخص جن نے لاش کو مردہ خانہ منتقل کیا لاپتہ ہے۔
پولیس نے معاملے کی تفتیش کا آغاز کردیا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں