The news is by your side.

Advertisement

اراکین اسمبلی کی خرید و فروخت عروج پر، ناصر حسین شاہ کی آڈیو بھی سامنے آ گئی

کراچی: صوبائی وزیر اطلاعات ناصر حسین شاہ کی تحریک انصاف کے 4 اراکین اسمبلی کی خرید و فروخت کی مبینہ آڈیو سامنے آ گئی۔

اے آر وائی نیوز کے مطابق سینیٹ الیکشن کے سلسلے میں اراکین اسمبلی کی خرید و فروخت عروج پر ہے، اب ایک آڈیو بھی سامنے آ گئی ہے جس میں علی حیدر گیلانی نے ٹیلی فون پر تحریک انصاف کے اراکین قومی اسمبلی سے وزیر اطلاعات سندھ ناصر حسین شاہ کی بات کروائی۔

تہلکہ خیز آڈیو سے یہ بھی معلوم ہو جاتا ہے کہ پیپلز پارٹی سینیٹ کے لیے ووٹ مانگ رہی ہے یا خرید رہی ہے.

آڈیو میں ناصر حسین شاہ تحریک انصاف کے سندھ کے ایک صوبائی پی ٹی آئی رکن سے بات کر رہے ہیں، ناصر شاہ کہہ رہے ہیں بھائیوں کے جتنے بھی کام ہیں سب میرے ذمے ہیں۔

سینیٹ ووٹ‌ کی خریداری: یوسف رضا گیلانی کے بیٹے کی ویڈیو سامنے آگئی

آڈیو میں ایک رکن وزیر اطلاعات سندھ ناصر شاہ سے کہہ رہے ہیں کہ چاروں ارکان سولڈ ہیں، اور خاندانی لوگ ہیں، ناصر شاہ جواب دیتے ہیں کہ بھائیوں کے کام میرے ذمے ہیں۔

اس سے قبل اے آر وائی نیوز نے ایک ہفتے قبل کی ایک تہلکہ خیز ویڈیو بھی نشر کی، جس میں پی ڈی ایم کے مشترکہ سینیٹ امیدوار یوسف رضا گیلانی کے صاحب زادے علی حیدر گیلانی تحریک انصاف کے رکن اسمبلی سے ووٹ خریدنے کی بات کر رہے ہیں، اور انھیں ووٹ ضائع کرنے کا طریقہ بھی بتا رہے ہیں۔

سینیٹ ووٹ‌ کی خرید و فروخت، واٹس ایپ چیٹ‌ بھی سامنے آگئی

ویڈیو کے بعد اے آر وائی نیوز نے سینیٹ الیکشن میں ووٹ کی خرید و فروخت کے حوالے سے ایک واٹس ایپ چیٹ بھی طشت از بام کر دی تھی، یہ چیٹ مسلم لیگ ن سے تعلق رکھنے والے امیدوار عباس آفریدی کے دست راست کی ہے، جس میں مبینہ مڈل مین عادل شاہ نے تحریک انصاف کے رکن صوبائی اسمبلی عبد السلام آفریدی کو خریدنے کی کوشش کی۔

Comments

یہ بھی پڑھیں