site
stats
عالمی خبریں

ٹیکساس: لوگوں کو فضاؤں کی سیر کرانے والے غبارے کو حادثہ،16 افراد ہلاک

ٹیکساس : لوگوں کو تفریح کے غرض سے فضاؤں کی سیر پر محوِ پرواز گرم ہوا سے اڑنے والا غبارہ آگ لگ جانے کی وجہ سے پھٹ گیا،غبارے میں سوار 16 افراد جاں بحق ہو گئے۔

تفصیلات کے مطابق امریکہ کے شہر ٹیکساس میں گرم کا ہوا غبارہ جو مسافروں کو تفریح کے غرض سے فضاؤں کی سیر کروا رہا تھا کہ اچانک آگ بھڑک اُٹھنے سے پھٹ گیا اور مسافر سمیت زمین پر آن گرا جس کے نتیجے میں غبارے میں سوار 16 افراد جاں بحق ہو گئے۔

غیر ملکی خبر رساں ایجینسی کے مطابق گرم ہوا کا غبارہ ایک نجی کمپنی کی ملکیت تھی جو دورانِ پرواز بجلی کی ہائی ٹینشن لائن سے ٹکرا گیا جس کے باعث غبارے میں آگ بھڑک اُٹھنے کے باعث حادثے کا شکار ہو گیا۔

air ballon

ریسکیو اداروں کے مطابق ٹیلی فون نمبر 911 میں اطلاع دی دی گئی تھی کہ کوئی ٹریفک حادثہ ہوا ہے جس میں کئی ہلاکتوں کا خدشہ ہے تا ہم جائے وقوعہ پر پہنچنے کے بعد پتہ چلا کہ گرم ہوا کے ذریعے اُڑنے والےغبارے کے پچھلے حصے میں آگ لگی ہوئی تھی جس کے نتیجے میں غبارے میں سوار 16 افراد ہلاک ہو گئے تھے۔

تباہ ہونے والا غبارہ ہائی ٹینشن لائن کے عین نیچے واقع کھیتوں میں گرا،پولیس نے علاقہ کو گھیرے میں لے کر ابتدائی شواہد اکھٹے کر لیے اس دوران ریسکیو ادرے امدادی کام میں مصروف رہے اور میتوں کو اسپتال منتقل کرنے کے انتظامات کیے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top