The news is by your side.

Advertisement

کراچی میں آج بھی قیامت خیز گرمی پڑنے کا امکان

کراچی : کراچی میں گرمی غضب ڈھا رہی ہے،  آج بھی قیامت خیز گرمی پڑنے کا امکان ہے، درجہ حرارت 40سے 41سینٹی گریڈ تک جا سکتا ہے۔

تفصیلات کے مطابق کراچی والے گرمی سے نڈھال ہیں ، جھلسا دینے والی دھوپ نے ہر کسی کو پریشان کر دیا، محکمہ موسمیات نے خبردار کیا ہے کہ آج بھی سورج آگ برسائے گا، درجہ حرارت اڑتیس سے چالیس سینٹی گریڈ تک جانے کا امکان ہے۔

موسم کا حال بتانے والوں کا کہنا ہے بحر ہند اور بحیرہ عرب میں ہوا کے کم دباؤسے گرمی کی شدت میں اضافہ ہوا، جس سے سمندری ہوائیں بھی بند ہوئیں، درجہ حرارت میں اضافےکے باعث ہیٹ اسٹروک اور ہیٹ ویو کا خدشہ بھی ظاہر کیا گیا ہے۔

کراچی کاموجودہ درجہ حرارت 34ڈگری سینٹی گریڈ ہے، آج زیادہ سے زیادہ درجہ حرارت 38 سے 40 ڈگری رہنے کا امکان ہے جبکہ ہوا میں نمی کا تناسب 24 فیصد ہے، نمی کے کم تناسب سے گرمی کی شدت زیادہ محسوس کی جارہی ہے۔

محکمہ موسمیات نے مختلف اداروں کو خط لکھ کر موسم کی صورتحال سے مطلع کردیا ہے، جس میں بتایا گیا ہے کہ منگل اور بدھ کو شہر کا درجہ حرارت چالیس ڈگری تک پہنچ سکتا ہے، کراچی میں گرمی کا سلسلہ جمعہ تک جاری رہنے کا امکان ہے جبکہ سمندری ہواوں کی رفتار میں کمی کے باعث گرمی کی یہ شدت پورے ہفتے برقرار رہے گی۔

چیف میٹرولوجسٹ عبدالرشید کا کہنا ہے کہ مئی اور اکتوبر سال کے گرم ترین ماہ شمار کئے جاتے ہیں اور ہر سال کی طرح اس سال بھی اکتوبر کا مہینہ شہر قائد پر سورج پوری آب و تاب کے ساتھ گرمی برسائے گا اور گرمی کی شدت میں اضافہ ہوتا رہے گا۔

ماہرین کے مطابق ہیٹ اسٹروک سے بچاو کیلئے حفاظتی اقدامات اور احتیاطی تدابیر اختیار کی جائیں، گرمی کی شدت سے بچنے کیلئے شہری پانی کا استعمال زیادہ کریں، شہری دھوپ میں نکلنے سے گریز اور کھانے پینے میں احتیاط کریں۔


مزید پڑھیں : کراچی میں کل پارہ 41ڈگری سینٹی گریڈ تک جانے کا امکان


گرمی کی شدت بڑھتے ہی کے الیکٹرک کی جانب سے بجلی کی بندش نے شہریوں کو بے حال کردیا ۔ گرمی سے پریشان لوگوں نے پارکوں میں ڈیرے ڈال لئے۔

دوسری جانب کراچی سمیت سندھ اور مکران کے ساحلی علاقوں میں آئندہ تین روز تک درجہ حرارت بڑھنے کاامکان ہے جبکہ چوبیس گھنٹوں کے دوران اسلام آباد، لاہور ،فیصل آباد سمیت ملک کے بیشترعلاقوں میں موسم گرم اور خشک رہیگا۔

گزشتہ روز سب سے زیادہ درجہ حرارت چھور میں تینتالیس ڈگری سینٹی گریڈ رہا۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں