The news is by your side.

Advertisement

ملک کے مختلف شہروں میں سورج آگ برسانے لگا

کراچی: محکمہ موسمیات نے ملک کے میدانی علاقوں میں پارہ ہائی رہنے کی پیشن گوئی کی ہے، جس کے مطابق آج درجہ حرارت چالیس ڈگری سینٹی گریڈ سے باون ڈگری سینٹی گریڈ تک جاسکتاہے، جبکہ ملک کے بیشترعلاقوں میں بھی موسم گرم اورخشک رہنےکی توقع ہے۔

تفصیلات کے مطابق پنجاب، خیبر پختونخوا، بلوچستان اور سندھ کے میدانی علاقوں میں شدید گرمی پڑے گی۔جس کی وجہ سے دن کے درجہ حرارت 45 ڈگری سینٹی گریڈ سے زیادہ رہیں گےاور وسطی علاقوں میں درجہ حرارت 50 ڈگری سینٹی گریڈ تک پہنچنے کا امکان ہے۔

آج سب سے زیادہ گرمی سندھ کے شہر مونجھوداڑو ، دادو میں 52 ڈگری سینٹی گریڈ جبکہ لاڑکانہ اور سکھر اور اس سے ملحقہ علاقوں میں میں درجہ حرارت 50 ڈگری سینٹی گریڈ ریکارڈ کیا گیا۔

محکمہ موسمیات کے مطابق کراچی میں آج گرمی کی شدت 40 ڈگری سینٹی گریڈ ریکارڈ کی گئی، جو آئندہ دو تین روز تک جاری رہے گی، اس کے علاوہ کشمیر اور اس سے ملحقہ علاقوں میں آئندہ چوبیس گھنٹوں کے دوران ہلکی بارش کی توقع ہے۔

 

واضح رہے کہ گزشتہ روز ریکارڈ کیے گئے گرم ترین مقامات کے درجہ حرارت: لاڑکانہ50، دادو، سبی، سکھر، موہنجوداڑو، جیکب آباد48، تربت47، رحیم یار خان، روہڑی46، کوٹ ادو، بہاولنگر45ڈگریسینٹی گریڈ ریکارڈ کیا گیا۔

Comments

comments

یہ بھی پڑھیں