The news is by your side.

Advertisement

خالی کمروں سے فون کالز اور قدموں کی آہٹیں: ہوٹل خوف کی علامت بن گیا

جنوب مغربی انگلینڈ میں واقع ایک ہوٹل اس وقت مقامی افراد کے لیے خوف کی علامت بن گیا جب وہاں رہنے والے مہمانوں نے قدموں کی آہٹیں سننے اور خالی کمروں میں ہیولے دیکھنے کا دعویٰ کیا۔

انگلینڈ کی کاؤنٹی سمرسٹ میں واقع یہ ہوٹل عجیب و غریب واقعات کی وجہ سے نہ صرف مقامی افراد بلکہ ہوٹل انتظامیہ کو بھی خوفزدہ کیے ہوئے ہے۔

وہاں قیام کرنے والے مہمانوں نے انتظامیہ سے کہا کہ انہوں نے اپنے قیام کے دوران نامانوس سی آہٹیں سنیں، جبکہ ایسا محسوس کیا جیسے کوئی ان کے بال کھینچ رہا ہو۔

خود ہوٹل انتظامیہ بھی اسی نوعیت کے واقعات کا سامنا کرچکی ہے، ہوٹل کے استقبالیہ پر اکثر ان خالی کمروں سے فون کالز موصول ہوتی ہیں جہاں کوئی قیام پذیر نہیں ہوتا۔

ہوٹل مینیجر کے مطابق ڈائننگ روم میں اکثر اوقات ایک ہیولہ دیکھا گیا جبکہ کچن میں کام کرنے والے افراد نے دعویٰ کیا کہ اکثر وہ ایسا محسوس کرتے ہیں جیسے کوئی انہیں چھو کر گزرا ہے۔

ہوٹل کے پرانے آنجہانی مالک کا ہیولہ بھی راہداریوں اور خالی کمروں میں دیکھا جاتا رہا۔

تمام واقعات کو دیکھتے ہوئے انتظامیہ نے ایسے غیر فطری (پیرا نارمل) سرگرمیوں کی تحقیقات کرنے والی ٹیم کو طلب کیا۔

مذکورہ ٹیم نے وہاں پہنچ کر اپنا کام شروع کیا تو انہیں بھی کئی رکاوٹوں کا سامنا کرنا پڑا، ٹیم کے ارکان کے مطابق ان کے واکی ٹاکیز میں اجنبی آوازیں سنائی دینے لگیں اور ایسا محسوس ہوا جیسے کوئی ان کی نقل کرنے کی کوشش کر رہا ہو۔

ٹیم کا کہنا ہے کہ وہ کچھ پرانے طریقوں اور جدید سائنسی آلات کی مدد سے اس مقام کو جانچنے کی کوشش کر رہے ہیں، اپنی کارروائی مکمل کرنے کے بعد ہی وہ حتمی نتائج دے سکیں گے۔

Comments

یہ بھی پڑھیں