The news is by your side.

Advertisement

کراچی: ایک ہی علاقے میں 20 روز میں ڈکیتی کی دوسری بڑی واردات

کراچی: شہر قائد کے علاقے نیو ٹاؤن میں 20 روز میں ڈکیتی کی دوسری بڑی واردات ہو گئی ہے۔

اے آر وائی نیوز کے مطابق کراچی کے علاقے نیو ٹاؤن میں ڈاکوؤں نے ایک گھر میں ڈکیتی کی بڑی واردات کر ڈالی، ڈکیت واردات میں 61 لاکھ روپے لوٹ کر فرار ہو گئے۔

پولیس کا کہنا ہے کہ واردات کرنے والے ڈکیتوں کی تعداد 6 تھی، ملزمان نے اہل خانہ کو یر غمال بنا کر گھر لوٹا، ڈکیتوں نے گھر کے افراد پر تشدد بھی کیا، ملزمان نے دروازے پر لگا تالا توڑا، پھر کمرے کی گرل بھی کاٹی۔

پولیس کے مطابق ملزمان گھر سے 57 لاکھ پاکستانی کرنسی، 5 ہزار ریال، 5 ہزار درہم لوٹ کر فرار ہوئے، ملزمان کی پہچان کے لیے اطراف کی سی سی ٹی وی فوٹیجز کو چیک کیا جا رہا ہے۔

نیوٹاؤن تھانے کے قریب سوا کروڑ کی ڈکیتی، ملزمان فرار

واضح رہے کہ 7 جولائی کو پولیس اور رینجرز نے مختلف علاقوں میں جرائم پیشہ افراد کے خلاف مشترکہ کامبنگ آپریشن کیا تھا، ان علاقوں میں نیو ٹاؤن بھی شامل تھا، آپریشن کے دوران مخصوص گلیوں کی ناکہ بندی کر کے گھر گھر تلاشی لی گئی تھی۔

یاد رہے کہ گزشتہ ماہ 22 جون کو بھی نیو ٹاؤن میں ایک تاجر کے گھر میں ایک کروڑ روپے کی ڈکیتی ہوئی تھی، نیو ٹاؤن تھانے کے قریب 5 ملزمان نے گھر کے اہل خانہ کو یرغمال بنا کر گھر سے سوا کروڑ روپے لوٹ کر فرار ہوئے۔

متاثرہ فیملی کا کہنا تھا کہ مسلح ملزمان نے گھر سے 110 تولے سونا، نقد رقم 6 لاکھ روپے، اور گھر میں موجود 3 ہزار ریال لوٹے۔

fb-share-icon0
Tweet 20

Comments

comments

یہ بھی پڑھیں