ملازمہ کے کھڑکی سے گرنے کی ویڈیو بنانے پر مالکن گرفتار -
The news is by your side.

Advertisement

ملازمہ کے کھڑکی سے گرنے کی ویڈیو بنانے پر مالکن گرفتار

کویت سٹی: مشرق وسطیٰ کے ملک کویت میں ایک خاتون کو اس وقت حراست میں لے لیا گیا جب اس نے اپنی ملازمہ کی ساتویں منزل سے نیچے گرنے کی ویڈیو سماجی رابطوں کی ویب سائٹ اسنیپ چیٹ پر اپ لوڈ کردی۔

ویڈیو میں دیکھا جاسکتا ہے کہ ملازمہ کھڑکی سے نیچے لٹک رہی ہے اور اس دوران ’پکڑو، مجھے پکڑو‘ کی دہائیاں بھی بلند کر رہی ہے، لیکن مالکن اس کی فریادوں کو نظر انداز کر کے اطمینان سے ویڈیو بنانے میں مصروف ہے۔

حتیٰ کہ ملازمہ ساتویں منزل سے نیچے گر گئی۔

گرنے کے بعد ملازمہ کی جان تو بچ گئی تاہم اس کے بازو کی ہڈی ٹوٹ گئی۔ قریب سے گزرنے والے راہگیروں نے اس کی مدد کی اور متعلقہ حکام کو اطلاع دی جس کے بعد ریسکیو اہلکاروں نے ملازمہ کو اسپتال منتقل کیا۔

ویڈیو کے وائرل ہوتے ہی پولیس بھی حرکت میں آئی اور ویڈیو بنانے والی مالکن کو گرفتار کرلیا گیا۔

ملازمہ سے تحقیقات کے دوران انکشاف ہوا کہ اس نے ملازمت چھوڑ کر جانے کا عندیہ دیا تھا جس کے بعد مالکان نے اسے گھر میں قید کردیا۔ وہ دو دن گھر میں قید رہی جس کے بعد اس نے وہاں سے بھاگ نکلنے کا فیصلہ کیا تاہم اس کے ساتھ یہ حادثہ پیش آگیا۔

مزید پڑھیں: نوکری سے چھٹکارے کے لیے ملازمہ چڑیل بن گئی

پولیس کے مطابق ملازمہ کا تعلق صومالیہ سے ہے، ممکنہ طور پر وہ غیر قانونی طور پر یہاں مقیم ہے اور اس کی مالکن بھی اس کی شریک جرم ہے۔

حکام کے مطابق مالکن پر ملازمہ کی جان بچانے کے لیے مدد نہ کرنے کی فرد جرم بھی عائد کی جاسکتی ہے۔

Comments

comments

یہ بھی پڑھیں