عرب اتحاد نے بروقت کارروائی کرتے ہوئے مارب پر حوثی بیلسٹک میزائل حملے کو ناکام بنا دیا۔
عرب اتحاد کی جانب سے جاری کی گئی ویڈیو میں حوثیوں کے بیلسٹک میزائل کو تباہ کرنے کا دعویٰ کیا گیا ہے۔
#فيديو | #التحالف: إحباط عملية هجوم وشيك على المدنيين بمدينة #مأرب باستخدام صاروخ باليستي. #واس_عام pic.twitter.com/anzwoOmEIv
— واس العام (@SPAregions) April 1, 2021
ترجمان عرب اتحاد بریگیڈیئر ترکی المالکی کا کہنا ہے کہ حوثی مارب پر بیلسٹک میزائل حملے کی پوری تیاری کر چکے تھے اور عین وقت پر راک لانچر کو حملہ کر کے تباہ کر دیا گیا۔
انہوں نے کہا کہ اگر یہ میزائل فائر ہو جاتا تو مارب کے کئی شہریوں کی جانیں جاتیں، حوثی مسلسل شہریوں اور سول تنصیبات کو نشانہ بنا رہے ہیں۔
چند روز قبل سعودی وزارت دفاع کی جانب سے سول تنصیبات اور شہریوں پر حوثی ڈرون حملوں کو ناکام بنانے کی ویڈیو جاری کی گئی تھی۔
سوشل میڈیا پر جاری ویڈیو میں دیکھا جا سکتا ہے کہ ڈرونز کو مطلوبہ ہدف تک پہنچنے سے قبل ہی دفاعی نظام کے ذریعے تباہ کر دیا گیا۔
#وزارة_الدفاع تعرض لقطات لتدمير وإسقاط الطائرات دون طيار المفخخة التي أطلقتها المليشيا الحوثية الإرهابية تجاه المملكة لاستهداف المدنيين والأعيان المدنية.#واس_عام pic.twitter.com/gjhH0cB8E1
— واس العام (@SPAregions) March 26, 2021
24سیکنڈ کی ویڈیو میں ڈرونز کو تباہ ہوتے اور اس کا ملبہ گرتے ہوئے دیکھا جا سکتا ہے۔ ڈرونز کو فضائی دفاعی نظام سے تباہ کیا گیا۔