حوثیوں نے بحیرہ احمر میں دو بحری جہازوں پر حملوں کی ذمہ داری قبول کی ہے۔
الجزیرہ کے مطابق یمن کے حوثی گروپ نے بحیرہ احمر میں دو بحری جہاز سوان اٹلانٹک اور ایم ایس سی کلارا پر حملے کی ذمہ داری قبول کی ہے۔
گروپ کے فوجی ترجمان یحییٰ ساریہ نے ایکس پر شائع ہونے والے ایک بیان میں کہا کہ یہ حملے بحری ڈرونز کے ذریعے کیے گئے۔
انہوں نے مزید کہا کہ وہ غزہ کے خلاف جارحیت کی روشنی میں فلسطینی عوام کے ساتھ اظہار یکجہتی کر رہے ہیں۔
واضح رہے کہ اس سے قبل بھی حوثیوں نے کئی جہازوں کو مسلح ڈرونز اور میزائلوں سے نشانہ بنایا ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں