The news is by your side.

Advertisement

گرمی میں خواتین اپنی خوبصورتی کو کیسے بچائیں؟ ویڈیو دیکھیں

کراچی: شہر قائد میں جھلسہ دینے والی گرمی کا سلسلہ جاری ہے ایسے موسم میں خواتین کو بھی اپنی جلد کی شدید فکر لاحق ہوجاتی ہے تاکہ اُن کے حسن اور خوبصورتی میں کوئی فرق نہ پڑے۔

شہر قائد میں سورج گزشتہ کئی روز سے آگ برسا رہا ہے اور محکمہ موسمیات نے بھی خبردار کیا ہے کہ گرمی کا سلسلہ آئندہ چند روز بدھ یا جمعرات تک جاری رہے گا جبکہ سمندری ہوائیں رکنے کے باعث سورج کی تپش بڑھ رہی ہے اور ہیٹ اسٹروک کا بھی خدشہ ہے۔

ماہ صیام میں سورج کا پارہ چڑھنے کے باوجود لوگ رمضان کی برکتوں کو سمیٹنے کے لیے روزے رکھ رہے ہیں اور اُن کی کوشش ہے کہ خیروعافیت کے ساتھ پورے ماہ کو گزار سکیں۔

طبی ماہرین روزے داروں کو مشورہ دیا ہے کہ وہ کسی بھی ناخوشگوار واقعے سے محفوظ رہنے کے لیے احتیاطی تدابیر کا خاص خیال رکھیں اور دھوپ کے وقت بنا ضرورت گھروں سے باہر نہ نکلیں۔

چالیس ڈگری سینٹی گریڈ کے باوجود خواتین اپنی جلد کی حفاظت کس طرح کرسکتی ہیں، آئیے ہم آپ کو  چند احتیاطی تدابیر بتاتے ہیں۔

تیز دھوپ انسانی جلد کو  اس قدر متاثر  کر کے اسے خراب کردیتی ہے اور گورا رنگ بھی سانوالہ ہوجاتا ہے۔

احتیاطی تدابیر

پانی کا زیادہ سے زیادہ استعمال (خصوصا افطار کے بعد سے سحری تک)

براہ راست دھوپ میں نکلنے سے گریز کریں

باحالتِ مجبوری اگر گھر سے باہر نکلنا ہو تو پوری آستین والے کپڑے زیب تن کریں

اگر گھر سے باہر نکلنا بہت ضروری ہے تو چھتری لے کر گھر سے نکلیں اور سایہ دار جگہوں سے گزرتے ہوئے اپنی مذکورہ منزل تک پہنچیں

ہیٹ اسٹروک سے بچنے کی احتیاطی تدابیر

 ہیٹ اسٹروک سے محفوظ رہنے کے لیے افطار کے بعد اور سحری میں پانی کا زیادہ سے زیادہ استعمال کریں اور دھوپ میں نکلنے سے گریز کریں تاہم اگر باحالتِ مجبوری دھوپ میں نکلنا پڑے تو چھتری کا استعمال ضرور کریں۔

ڈاکٹر سیمی جمالی نے ہیٹ اسٹروک سے متاثرہ افراد کی نشاندہی اور فوری طبی امداد کا طریقہ بھی بتایا جسے جاننے کے لیے ویڈیو دیکھیں۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں