لاہور: پنجاب اسمبلی میں اجلاس کے دن لوٹے اندر کیسے گئے؟ اے آر وائی نیوز نے لوٹے اندر لے جانے کی ویڈیوحاصل کر لی۔
پنجاب اسمبلی کی ویڈیو میں دیکھا جا سکتا ہے کہ لوٹے تحریک انصاف کی خواتین رکن اسمبلی لے کر گئیں، اور اسمبلی کے عملے میں سے کسی نے لوٹے اندر لے جانے سے انھیں نہیں روکا۔
واضح رہے کہ ہفتے کے روز جب وزیر اعلیٰ پنجاب کے انتخاب کے لیے اسمبلی کا اجلاس شروع ہونے والا تھا، حکومتی ارکان نے ڈپٹی اسپیکر پنجاب اسمبلی دوست مزاری کا گھیراؤ کر کے انھیں تشدد کا نشانہ بنانے کی کوشش کی اور ان پر لوٹے دے مارے۔
حکومتی ارکان کا ڈپٹی اسپیکر پنجاب اسمبلی پر حملہ ، لوٹے دے مارے
پنجاب اسمبلی کے اجلاس میں شدید ہنگامہ آرائی ہوتی رہی، منحرف اراکین کی اسمبلی آمد پر حکومتی ارکان نے لوٹے لوٹے کے نعرے لگائے، اور جب ڈپٹی اسپیکر دوست مزاری اجلاس کا آغاز کرنے ایوان میں داخل ہوئے تو حکومتی ارکان نے ان کی جانب لوٹے اچھال دیے۔
پی ٹی آئی کی خواتین اراکین میں سے کسی نے اسپیکر کی ڈائس پر بھی لوٹا رکھ دیا تھا۔
