The news is by your side.

Advertisement

ذہنی معذور صلاح الدین کی موت کیسے ہوئی؟

رحیم یار خان: اے ٹی ایم کارڈ چرانے والے ذہنی معذور شخص صلاح الدین کی پولیس تشدد سے مبینہ ہلاکت پر آر پی او رحیم یار خان نے سینیٹ کی قائمہ کمیٹی برائے انسانی حقوق کو بریفنگ دے دی۔

تفصیلات کے مطابق ذہنی معذور صلاح الدین کی موت کیسے ہوئی، آر پی او رحیم یار خان نے سینیٹ کی قائمہ کمیٹی برائے انسانی حقوق کو بریفنگ میں بتایا کہ شہریوں نے صلاح الدین سے مار پیٹ کی، اہلخانہ نے پولیس پر تشدد کا الزام لگایا۔

آر پی او رحیم یار خان کے مطابق پولیس اہلکاروں کے خلاف مقدمہ درج کرکے معطل کردیا، صلاح الدین کے جسم پر نشانات پوسٹ مارٹم کی وجہ سے تھے، تاحال موت کی وجہ معلوم نہیں ہوسکی۔

واضح رہے کہ رواں ماہ اے ٹی ایم سے کارڈ چرانے والے صلاح الدین کا دوران حراست انتقال ہوگیا تھا، پولیس کا کہنا تھا کہ ملزم کی موت دل کا دورہ پڑنے سے ہوئی ہے۔

مزید پڑھیں: صلاح الدین کو انصاف دو! شہریوں کی اے ٹی ایم کو زبان چڑاتی سیلفیاں

صلاح الدین کے والد کا کہنا تھا کہ بیٹا ذہنی مریض تھا، وہ اکثر ادھر ادھر گھومتا پھرتا تھا اس کے ہاتھ پر نام اور پتا درج تھا۔

یاد رہے کہ ترجمان وزیراعلیٰ پنجاب شہباز گل کا کہنا تھا کہ صلاح الدین کے والد کی درخواست پر تھانے کے ایس ایچ او، اے ایس آئی اور تفتیشی افسر کے خلاف مقدمہ درج کرلیا گیا ہے۔

شہباز گل کا کہنا تھا کہ وزیراعلیٰ آفس نے آئی جی پنجاب کو اس کیس کی تحقیقات کرکے رپورٹ وزیراعلیٰ پنجاب کو جمع کروانے کا کہا ہے۔

Comments

comments

یہ بھی پڑھیں