اسلام آباد: کامیاب جوان اسکل اسکالرشپ کے تحت نوجوانوں کی تکنیکی تربیت کا سلسلہ جاری ہے، اسی پروگرام کی بدولت بے روزگار میاں بیوی کامیاب کاروبار کے مالک بن گئے۔
تفصیلات کے مطابق سربراہ کامیاب جوان پروگرام اور وزیراعظم کے معاون خصوصی عثمان ڈار نے ویڈیو ٹویٹ کر دی۔ کشمیری جوڑے نے چند ماہ کے تربیتی کورس سے پورا کاروبار شروع کر لیا۔ کوکنگ شوقین میاں بیوی نے ایک ساتھ نیوٹک کلاسز میں داخلہ لیا۔ میاں نے پہلی اور بیوی نے دوسری پوزیشن حاصل کرکے سب کو پیچھے چھوڑ دیا۔
اہلیہ زرمینہ علی کا کہنا ہے کہ میں ہمیشہ سے پروفیشنل شیف بننا چاہتی تھی، کامیاب جوان پروگرام سے نیوٹک میں کوکنگ کورس کے لیے اپلائی کیا، خاوند بھی میرے ساتھ کوکنگ ٹریننگ میں حصہ لینے کیلئے تیارہوئے، مظفرآباد کے5اسٹارہوٹل میں پروفیشنل کوکنگ کی تربیت لی، اب ہم نے اپنا ہوٹل اینڈکوکنگ کاکامیاب کاروبار شروع کیا ہے۔
خاوند نے پہلی اور بیوی نے دوسری پوزیشن حاصل کر کے سب کو پیچھے چھوڑ دیا!
کوکنگ کے شوقین میاں بیوی نے کامیاب جوان اسکل اسکالرشپس پروگرام کے ذریعے چند ماہ کے تربیتی کورس کے بعد اپنا کامیاب کاروبار شروع کر لیا!
بیروزگار میاں بیوی کامیاب کاروبار کے مالک کیسے بنے؟ آپ بھی دیکھئیے! pic.twitter.com/84PffGgCsH
— Usman Dar (@UdarOfficial) August 15, 2021
اس ضمن میں خاوند نے بتایا کہ بیگم کے ساتھ مل کر ہوٹل انڈسٹری کے بزنس میں داخل ہوچکاہوں، خوش ہوں کہ اپنا کاروبار شروع کرنے کا خواب پورا کر لیا، وزیراعظم اورکامیاب جوان پروگرام کی پوری ٹیم کی شکرگزار ہوں۔
عثمان ڈار کا کہنا تھا کہ نوجوان ہنر حاصل کر کے ذاتی کاروبار کریں، حکومت مالی مدد کیلئے قرض اور ہنرمند بنانے کیلئے مکمل تربیت دے گی، مالی اور تکنیکی تعاون کی فراہمی کےشاندارموقع سے فائدہ اٹھائیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں