دماغ کو جگانے کے لیے سب سے آسان شے کافی کا استعمال ہے۔ ماہرین کے مطابق کافی میں موجود کیفین جسم کے اندر جا کر دل و دماغ کے افعال میں اضافہ کرتی ہے۔
کافی کا اثر فوری طور پر ظاہر ہوتا ہے اور بعض لوگ کافی پیتے ہی خود کو چاق و چوبند اور تازہ دم محسوس کرنے لگتے ہیں تاہم اس کا انحصار کسی شخص کی عمر، صحت اور کافی کے استعمال پر ہوتا ہے۔
ماہرین کے مطابق کیفین ایک نشے کی طرح اثر کرتی ہے البتہ یہ جسم کے لیے فائدہ مند ہے۔
مزید پڑھیں: گرمیوں میں چائے پینا نقصان دہ یا فائدہ مند؟
ایک تحقیق کے مطابق ایک کپ کافی کا اثر اس وقت تک برقرار رہتا ہے جب تک ہمارا جسم کافی کے تمام اجزا کو توڑ کر انہیں تحلیل نہ کردے۔
یہ عمل عمومی طور پر 5 گھنٹے کے اندر انجام پاتا ہے یعنی کافی کا ایک کپ ہمیں 5 گھنٹے تک جگائے رکھ سکتا ہے۔
ماہرین کا کہنا ہے کہ کافی کا سب سے زیادہ اثر کافی پینے کے بعد 15 سے 45 منٹ کے دوران ہوتا ہے۔
اس دوران کافی پینے والا شخص بے انتہا توانائی اور چستی محسوس کرتا ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
